Thursday, April 11, 2013

ဆက်သွ ယ်ရေး လုပ်ငန်း ဘယ်ကုမ္ပ ဏီတွေ ရမလဲ ??? ကုမ္ပဏီ ၁၂ ခုစာရင်း ကြေငြာပြီ


Photo: ဆက်သွယ်ရေးလုပ်ငန်း ဘယ်ကုမ္ပဏီတွေ ရမလဲ??? ကုမ္ပဏီ ၁၂ခုစာရင်း ကြေငြာပြီ
Thursday, April 11, 2013 

မြန်မာနိုင်ငံရဲ့ ဆက်သွယ်ရေးလုပ်ငန်း ၀န်ဆောင်မှုလုပ်ငန်း လိုင်စင် (၂)ခုအတွက် အောက်ပါ Companies ကြီး (၁၂)ခုကို ရွေးချယ်ထားကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန၊ Telecommunication Operator တင်ဒါစိစစ်ရွေးချယ်ရေး ကော်မတီကနေ ယနေ့ ဧပြီ ၁၁ရက်နေ့မှာ ကြေငြာလိုက်ပါတယ်။

ဧပြီ ၄ရက်နေ့က ပါဝင်ခဲ့တဲ့ ကုမ္ပဏီ ၂၂ခု ကနေ ရွေးချယ်ခဲ့တာ ဖြစ်ပါတယ်။

စိတ်ဝင်စားစရာ ကောင်းပါတယ်။ မြန်မာပြည်က ဆက်သွယ်ရေးကို တစ်ကမ္ဘာလုံးက လိုချင်ကြပုံရပါတယ်။ နိုင်ငံပေါင်းစုံက ကုမ္ပဏီ ကြီးသည် ဆိုသည်များ ပါပြီး အရှေ့ အနောက် တောင်မြောက် အကုန်ပါဝင်နေတာ တွေ့ရပါတယ်။

1. Airtel Consortium
2. Axiata Group Berhad
3. Digicel
4. France Telecom-Orange + Marubeni
(MM) 5. KDDI Corporation + Sumitomo Corporation + Myanmar Information and Communication Technology Development Corporation (MICTDC) + A1 Construction
6. Millicom International Cellular S.A.
(MM) 7. MTN Consortium (MTN Dubai + M1 Telecom + Amara Communications)
8. Qatar Telecom (Qtel) Q.S.C ("Ooredoo")
(MM) 9. Singapore Telecommunications (Singtel) + KBZ + Myanmar Telephone Company Limited (MTel)
10. Telenor Mobile Communications AS
11. Viettel Group
12. Vodafone + China Mobile

Update (ကျန်ခဲ့သူများ စာရင်း)
(MM) 1. Integrated Global Communications (IG Com) + Myanmar Technologies and Investment Corporation Limited (MTI)
2. STT Communications + BeWell Company Limited + Frontiir Company Limited
3. China Telecommunications Corporation
4. ACO Investment Group
(MM) 5. Asia Megalink
6. Charoen Pokphand Group + True Corporation + Thana Telecom Corporation
(MM) 7. PT Telekomunikasi Indonesia Tbk + Myanmar Telecommunications Network Public
8. Orascom Telecom Media and Technology Holding + Epic
9. First Pacific
(MM) 10. SK Telecom + RedLink Communications


http://www.mcit.gov.mm/

TSJ














မြန်မာနိုင်ငံရဲ့ ဆက်သွယ်ရေးလုပ်ငန်း ၀န်ဆောင်မှုလုပ်ငန်း လိုင်စင် (၂)ခုအတွက် အောက်ပါ Companies ကြီး (၁၂)ခုကို ရွေးချယ်ထားကြောင်း ဆက်သွယ်ရေးနှင့် သတင်းအချက်အလက် နည်းပညာ ၀န်ကြီးဌာန၊ Telecommunication Operator တင်ဒါစိစစ်ရွေးချယ်ရေး ကော်မတီကနေ ယနေ့ ဧပြီ ၁၁ရက်နေ့မှာ ကြေငြာလိုက်ပါတယ်။

မီးရှို့ဆန္ဒပြ ရာတွင် ဗိုလ်ချုပ် အောင်ဆန်း ပုံ ပါဝင်မှု မွတ်စ လင်များ ရှင်းချက် ထုတ်

Photo: မီးရှို့ဆန္ဒပြရာတွင် ဗိုလ်ချုပ် အောင်ဆန်း ပုံ ပါဝင်မှု မွတ်စလင်များ ရှင်းချက်ထုတ်
Thursday, April 11, 2013

မြန်မာနိုင်ငံရှိ မွတ်စလင်များ အရေးအတွက် ထိုင်းနိုင်ငံ ဘန်ကောက်မြို့ရှိ မြန်မာသံရုံးရှေ့တွင် ဆန္ဒပြ တောင်းဆိုပွဲ၌ ဗိုလ်ချုပ် အောင်ဆန်းနှင့် ဒေါ်အောင်ဆန်းစုကြည် တို့ပုံကို မီးရှို့မှုအတွက် မွတ်စလင်များက ရှင်းချက်ထုတ်ကြကြောင်း သိရသည်။

ဧပြီလ ၉ ရက်နေ့က ပြုလုပ်သည့် အဆိုပါ ဆန္ဒပြပွဲတွင် ထိုင်းနိုင်ငံ အခြေစိုက် မွတ်စလင်များနှင့် မြန်မာနိုင်ငံမှ ရွှေ့ပြောင်းလာသော မွတ်စလင်များလည်း ပါဝင်ကြောင်း ယင်းဆန္ဒပြပွဲ၌ ဦးဆောင်သူတဦးအဖြစ် ပါဝင်ခဲ့သည့် Burmese Rohingya Association in Thailand (BRAT) ဥက္ကဋ္ဌ မောင်ကျော်နုက ပြောသည်။

“ဒေါ်အောင်ဆန်းစုကြည်က ရိုဟင်ဂျာကိစ္စမှာရော၊ မြန်မာမွတ်စလင် ကိစ္စမှာရော နှုတ်ဆိတ်နေတဲ့ အတွက်ကြောင့်မို့လို့ မီးရှို့လိုက်တာပါ။ ဗိုလ်ချုပ် အောင်ဆန်းပုံ ပါသွားတဲ့အတွက်ကြောင့်တော့ စိတ်မကောင်းပါဘူး။ ဒါလည်း တဖွဲ့လုံးရဲ့ သဘောဆန္ဒနဲ့ ရှို့တာ မဟုတ်ပါဘူး၊ ပါလာတဲ့လူတွေထဲက ၃ ယောက်လောက်က လုပ်တာပါ” ဟု မောင်ကျော်နုက ပြောသည်။

မီးရှို့ဆန္ဒပြ ဓာတ်ပုံများတွင် ဗိုလ်ချုပ် အောင်ဆန်းပုံ ပါရှိနေခြင်းကြောင်း သမ္မတရုံးမှ တာဝန်ရှိသူနှင့် လူမှုကွန်ရက် စာမျက်နှာများတွင် ပြောဆို ဝေဖန်မှုများ ပေါ်ပေါက်ခဲ့သည်။

လက်ရှိပြုလုပ်နေသော ဆန္ဒထုတ်ဖော်မှုများသည် မန္တလေးတိုင်း၊ ပဲခူးတိုင်း၊ နေပြည်တော်နှင့် ရန်ကုန်တိုင်းတို့တွင် မွတ်စလင်များအပေါ် အကြမ်းဖက်မှုများကို ရှုတ်ချခြင်းနှင့် နိုင်ငံတကာက သိစေရန် လှုံ့ဆော်ဆန္ဒပြခြင်း ဖြစ်သော်လည်း ဗိုလ်ချုပ် အောင်ဆန်းပုံကို မီးရှို့ရန်မှာမူ ရည်ရွယ်ချက်မရှိဟု မောင်ကျော်နုက ဆိုသည်။

ဗိုလ်ချုပ် အောင်ဆန်း ပုံပါ အင်္ကျီကို မီးရှို့သည့်ဖြစ်ရပ်နှင့် ပတ်သက်၍ အင်္ဂလန်၊ နယ်သာလန်၊ ဂျပန်၊ ဒိန်းမတ်၊ နော်ဝေးနှင့် ဂျာမနီ နိုင်ငံများရှိ ရိုဟင်ဂျာအရေး လှုပ်ရှားဆောင်ရွက်နေသည့် အဖွဲ့ ၆ ခုက ဝမ်းနည်းကြောင်းနှင့် ရှုတ်ချကြောင်း ထုတ်ပြန်ကြေညာထားသည်။

“ဘန်ကောက်မြို့ မြန်မာသံရုံးရှေ့တွင် ပြုလုပ်ခဲ့သော ဆန္ဒပြပွဲတွင် မြန်မာ့လွတ်လပ်ရေး ဗိသုကာ ဗိုလ်ချုပ် အောင်ဆန်း၏ ဓာတ်ပုံကို မီးရှိ့ခြင်းအား ကျနော်တို့ ပူးတွဲပါ ရိုဟင်ဂျာ အဖွဲ့အစည်းများ အားလုံးမှ ပြင်းပြင်းထန်ထန် ကန့်ကွက် ရှုတ်ချ ပါသည်” ဟု ဧပြီ ၁၀ ရက် နေ့စွဲဖြင့် ထုတ်ပြန်ချက်တွင် ပါရှိသည်။

ထို့အပြင် ယင်းမီးရှို့မှုသည် မသက်ဆိုင်သော လူတစု၏ အပြုအမူသာ ဖြစ်ကြောင်း ငြင်းချက်ထုတ်ထားပြီး နိုင်ငံတကာရှိ ရိုဟင်ဂျာအရေး လှုပ်ရှား ဆောင်ရွက်သူများကိုလည်း ယင်းသို့ မဖြစ်စေရန် တိုက်တွန်းကြောင်း ကြေညာချက်တွင် ဖော်ပြထားသည်။

မောင်ကျော်နုကမူ “အစက သူတို့က ဒီ ဒေါ်အောင်ဆန်းစုကြည် ပုံပါတဲ့ အင်္ကျီနဲ့ ဝတ်ပြီး သူတို့ကိုယ်သူတို့ မီးရှို့အသတ်ခံမယ်ဆိုပြီး လုပ်ကြသေးတယ်။ အဲဒီအချိန် ကျနော်က ဟေ့ကောင်တွေ ဒီလိုမလုပ်နဲ့ ပြောလိုက်မှပဲ အင်္ကျီကိုပဲ ရှို့လိုက်တာ၊ အဲဒီမှာ ဗိုလ်ချုပ် အောင်ဆန်းပုံ ပါသွားတာ။ အဓိကကတော့ ဒေါ်အောင်ဆန်းစုကြည်ပုံကို မီးရှို့ဖို့ ကိစ္စပါ” ဟု ပြောသည်။

ဆန္ဒပြ မီးရှို့သူများသည် ဒေါ်အောင်ဆန်းစုကြည် အကျဉ်းကျနေစဉ် ကာလအတွင်း လွတ်မြောက်ရေးအတွက် ဆန္ဒဖော်ထုတ်ခဲ့ဖူးသူများ ဖြစ်ကြောင်း မောင်ကျော်နုက ဆိုသည်။

မောင်ကျော်နုက ဆက်လက် ပြောဆိုရာတွင် BRAT အနေဖြင့် ဒေါ်အောင်ဆန်းစုကြည်ပုံအား မီးရှို့မှုကို ဝေဖန်စရာ မရှိသော်လည်း ဗိုလ်ချုပ် အောင်ဆန်းပုံကို မီးရှို့ခြင်းအား ရှုတ်ချကြောင်း၊ သို့သော်လည်း မီးရှို့သူများကို တစုံတရာ အရေးယူရန် အစီအစဉ်မရှိသေးကြောင်း ပြောသည်။

မီးရှို့ရာတွင် ဗိုလ်ချုပ် အောင်ဆန်းပုံ ပါဝင်နေခြင်းနှင့် ပတ်သက်၍ သမ္မတရုံးမှ ညွှန်ကြားရေးမှူး ဦးမှူးဇော်က “ဗိုလ်ချုပ် အောင်ဆန်းကို ‘အမျိုးသားခေါင်းဆောင် ဗိုလ်ချုပ် အောင်ဆန်း’ ဆိုပြီး နိုင်ငံတော်သမ္မတကြီး ကိုယ်တိုင် နှုတ်က ထုတ်ဖော် ပြောကြား ကမ္ဗည်းရေးထိုးခိုင်းပြီး သမ္မတတွေကြားထဲ အလယ်ဗဟိုမှာ ချိတ်ဆွဲထားတာ ဖြစ်ပါတယ်။ ဒေါ်အောင်ဆန်းစုကြည်နဲ့ နိုင်ငံတော်သမ္မတကြီး ပထမဦးဆုံးအကြိမ် တွေ့ဆုံတဲ့ မှတ်တမ်းဓာတ်ပုံမှာ အဲဒီ ဗိုလ်ချုပ် ဓာတ်ပုံကို တွေ့မြင်နိုင်ပါတယ်။ ဗိုလ်ချုပ် အောင်ဆန်းဟာ ဒီနိုင်ငံရဲ့ အထွတ်အမြတ် ထားရတဲ့ အမျိုးသား ခေါင်းဆောင်ကြီးပါ။ ဗိုလ်ချုပ် အောင်ဆန်းဓာတ်ပုံ၊ သင်္ကေတ၊ အမှတ်အသား၊ မိန့်ခွန်းတွေဟာလည်း နိုင်ငံတော်အလံလို ဥပဒေနဲ့ တိတိကျကျ ပြဌာန်းထားခြင်း မရှိသော်လည်းဘဲ နိုင်ငံသားတွေ အလိုအလျောက် ခံယူရမယ့် လူမှုပဋိဉာဉ် (Social Contract) လို့ ပြောနိုင်သလို တနည်းအားဖြင့် အမျိုးသားရေး ပဋိဉာဉ် (National Contract) တခု ဖြစ်ပါတယ်” ဟု ၎င်း၏ ဖေ့စ်ဘုတ် လူမှုကွန်ရက်တွင် ရေးသားထားသည်။

မြန်မာနိုင်ငံတွင်း မွတ်စလင်များအပေါ် အကြမ်းဖက်မှုများနှင့် ပတ်သက်၍ ရပ်တန့်ပေးရေးနှင့် ရှုတ်ချကြောင်း အဝေးရောက် မွတ်စလင်အရေး လှုပ်ရှားသူများက အမေရိကန်၊ အင်္ဂလန်၊ မလေးရှားနှင့် ထိုင်းနိုင်ငံတို့တွင် ဆန္ဒပြခဲ့ကြပြီး ယခုလ ၁၂ ရက် နေ့တွင် အမေရိကန်နိုင်ငံ နယူးယောက်မြို့တွင် ကျင်းပသွားဦးမည်ဖြစ်ကြောင်း သိရသည်။

ဒေါ်အောင်ဆန်းစုကြည်၏ ဧပြီ ၁၃ ရက်မှ ၁၉ ရက်အထိ ဂျပန်ခရီးစဉ်အတွင်း ကြိုဆိုဧည့်ခံ တွေ့ဆုံဆွေးနွေးမှုများအတွက် မွတ်စလင်အဖွဲ့အစည်းများကို စီစဉ်သူများက ပူးပေါင်းပါဝင်ခွင့် မပေးဟု မွတ်စလင်များက ပြောကြောင်း AFP သတင်းဌာနတွင် ရေးသားထားသည်။ ဂျပန်တွင် မြန်မာနိုင်ငံမှ လာရောက် အခြေချ နေထိုင်သူ ၁ သောင်းခန့် ရှိကြောင်း သိရသည်

Irrwaddy
မြန်မာနိုင်ငံရှိ မွတ်စလင်များ အရေးအတွက် ထိုင်းနိုင်ငံ ဘန်ကောက်မြို့ရှိ မြန်မာသံရုံးရှေ့တွင် ဆန္ဒပြ တောင်းဆိုပွဲ၌ ဗိုလ်ချုပ် အောင်ဆန်းနှင့် ဒေါ်အောင်ဆန်းစုကြည် တို့ပုံကို မီးရှို့မှုအတွက် မွတ်စလင်များက ရှင်းချက်ထုတ်ကြကြောင်း သိရသည်။

ဗလီ မီးလောင်မှု ကော်မရှင်တွေ့ရှိချက် အစ္စလမ် ဘာသာရေး အဖွဲ့များ လက်ခံ

Photo: ဗလီ မီးလောင်မှု ကော်မရှင်တွေ့ရှိချက် အစ္စလမ် ဘာသာရေး အဖွဲ့များ လက်ခံ
Thursday, April 11, 2013



၄၈ လမ်း အစ္စလမ် ဘာသာရေး စာသင်ကျောင်း မီးလောင်ရခြင်းမှာ ပေါ့ဆမှုကြောင့် လောင်ကျွမ်းရခြင်း ဖြစ်သည်ဟု အထောက်အထားများဖြင့် ရှင်းပြရာ အစ္စလာမ် ဘာသာရေး အဖွဲ့အစည်း ၅ ခုမှ ခေါင်းဆောင်များ လက်ခံခဲ့ကြောင်း ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက မီဒီယာများသို့ ဧပြီလ ၁၀ ရက်နေ့တွင် ပြောသည်။

စာသင်ကျောင်း မီးလောင်ရခြင်းနှင့် ပတ်သက်၍ အစ္စလမ် ဘာသာရေးအဖွဲ့အစည်း ၅ ခုက တိုင်းဒေသကြီး ၀န်ကြီးချုပ် ဦးမြင့်ဆွေ၏ ရှင်းပြချက်များကို လက်ခံခဲ့သည်မှာ ဟုတ်မှန်ကြောင်း မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ်မှ တာဝန်ရှိသူ ဦးရဲနောင်သိန်းက ဧရာဝတီသို့ ပြောသည်။

”၀န်ကြီးချုပ်က အချက်အလက်နဲ့ သေချာရှင်းပြတယ်။ အထောက်အထားတွေလည်း ပြတယ်။ ကျနော်ကိုယ်တိုင် ၈ ရက်နေ့တုန်းက ကော်မရှင်က မေးတာကို ၅ နာရီလောက် ဖြေခဲ့ရတယ်။ အသေးစိတ်မေးတယ်။ ပြီးတော့ ဖြစ်တဲ့နေ့ကလည်း ဗိုလ်မှူးကြီးတင်ဝင်းရယ်၊ ရဲမှူးကြီး ၀င်းနိုင်တို့နဲ့ အဲဒီနေရာမှာ ကျနော်ရှိခဲ့တယ်။ မြေပြင်အနေအထားကိုလည်း မြင်ခဲ့ရတဲ့ အတွက် အခုကော်မရှင်ရဲ့ ဖြေရှင်းချက်တွေကို လက်ခံလို့ ရတယ်”ဟု သူက ပြောသည်။

မြန်မာနိုင်ငံ တ၀န်းလုံးရှိ အစ္စလမ် ဘာသာဝင်များအနေဖြင့်လည်း အမုန်းပွားရန်မလိုဘဲ ယခုကိစ္စမှာ သမာန်ရိုးကျ ဖြစ်စဉ်တစ်ခုသာ ဖြစ်ကြောင်းကို လက်ခံပေးရန် တိုက်တွန်း လိုကြောင်းလည်း ဆိုသည်။

ဧပြီလ ၂ ရက်နေ့ နံနက် ၂ နာရီ ၄၅ မိနစ်အချိန်တွင် မီးလောင်မှု ဖြစ်ပွားခဲ့သော  ရန်ကုန်မြို့ ဗိုလ်တထောင်မြို့နယ် ၄၈ လမ်းရှိ ဗလီဘာသာရေး စာသင်ကျောင်းအရေးနှင့် ပတ်သက်၍ အဖြစ်မှန်ဖော်ထုတ်ရေး ဖွဲ့စည်းထားသော စုံစမ်းစစ်ဆေးရေး ကော်မရှင်၏ အစီရင်ခံစာကို ဧပြီလ ၁၀ ရက်နေ့တွင် ရန်ကုန်တိုင်းဒေသကြီး အစိုးရ အဖွဲ့ရုံးတွင် ပြုလုပ်ခဲ့သော သတင်းစာရှင်းလင်းပွဲ၌ ရန်ကုန်တိုင်းဒေသကြီး အစိုးရအဖွဲ့ အတွင်းရေးမှူး ဦးခင်မောင်သိန်းက သတင်းမီဒီယာများ ရှင်းလင်းဖတ်ကြားပြခဲ့သည်။
က
ကော်မရှင်၏ စုံစမ်းချက်အရ ညဘက်မီးအားပြန်တက်လာချိန်တွင် မီးအားမြင့်စက်ကို ပြန်လည်လျော့ချမှု မရှိသောကြောင့် မီးအားမြင့်စက် အပူလွန်ကဲရာမှ မီးထလောင်၍ သစ်သားသို့ ကူးစက်ကာ အနီးရှိ ဒီဇယ်ပုံးသို့ တဆင့် မီးကူးကာ လှေကားမီးလောင်ရခြင်း ဖြစ်ကြောင်း၊ မီးအားမြင့်စက်မှာ အဆင့်မြင့် ထုတ်လုပ်ထားသော အော်တို မီးအားမြင့်စက် မဟုတ်ဘဲ လက်ဖြင့် အတင်အချ ပြုလုပ်ရသော Manual မီးအားမြင့်စက် ဖြစ်ပြီး စက်မှာ အလွန်ဟောင်းနွမ်းနေ သည်ကို စစ်ဆေးတွေ့ရှိရကြောင်း အစိုးရအဖွဲ့အတွင်းရေးမှူး ဦးခင်မောင်သိန်းက ပြောသည်။

မီးစတင် လောင်ကျွမ်းနေသည်ကို သိရှိသော ကျောင်းသားများက ဗလီဆရာ ဦးဇေယျာဖြိုးကို နှိုးခဲ့သော်လည်း ဗလီဆရာသည် မီးငြိမ်းသတ်ရန်သာ အာရုံစိုက်ခဲ့ပြီး အပေါ်ထပ်တွင် အိပ်ပျော်နေသော ကျောင်းသား ၁၆ ဦးကို ကယ်တင်ရန်နှင့် မီးသတ်ကို အကြောင်းကြားရန် ပျက်ကွက်ခဲ့ကြောင်း၊ စာသင်ကျောင်း သော့ကိုလည်း မဖွင့်နိုင်ခဲ့ဘဲ မီးသတ်တပ်ဖွဲ့များ ရောက်ရှိလာပြီး ဖွင့်ပေးမှသာလျှင် ထွက်နိုင်ခဲ့ကြောင်း အစီရင်ခံစာတွင် ဖော်ပြသည်။

စာသင်ကျောင်း အပေါ်ထပ်တွင် အသက် ၁၃ နှစ်မှ ၁၆ နှစ်ကြား ကလေး ၁၆ ဦး အိပ်နေရာ သုံးဦးလွတ်မြောက်ခဲ့ကြောင်း၊ ၄င်းတို့အနက်မှ ပထမ နှစ်ဦးမှာ နိုးလာပြီး လှေကား ပူနေသော်လည်း မီးမလောင်သေးဘဲ လွတ်မြောက်လာပြီး တတိယကလေးမှာ လှေကား မီးလောင်ကျွမ်းနေသော်လည်း ခုန်ချခဲ့ရကြောင်း၊ ထိုအချိန်တွင် မီးခိုးများ မွန်ထူနေပြီဖြစ်ပြီး
ကျန်ကလေး ၁၃ ဦးမှာ မလွတ်မြောက်တော့ဘဲ ကြမ်းပြင်ပါ မီးလောင်သောအခါ ကလေးများ သေဆုံးခဲ့ရကြောင်း သိရသည်။

ထို့ကြောင့် ၄၈ လမ်း ဗလီ ဘာသာရေးစာသင်ကျောင်း မီးလောင်မှုကိစ္စနှင့် ပတ်သက်၍ တာဝန်ရှိသူ ဗလီဆရာ နှစ်ဦးကို မီးပေါ့ဆမှု၊ ပေါ့ဆမှုကြောင့် လူသေစေမှု စသည့် အမှုနှစ်မှုဖြင့် အရေးယူထားသည်။

ဘာသာရေး စာသင်ကျောင်း မီးလောင်မှုနှင့် ပတ်သက်၍ တာဝန်ရှိသူ ဦးဇေယျာဖြိုးနှင့် ဦးခင်မောင်အေးတို့ကို ရဲက ဖမ်းဆီးထားပြီး ဖြစ်စဉ်များနှင့် ပတ်သက်၍ ပြစ်မှုထင်ရှား ပါက ထောင်ဒဏ် ၇ နှစ်အထိ အပြစ်ပေးခံရနိုင်ကြောင်း၊ စိစစ်မှုများအရ ရည်ရွယ်ချက်ရှိရှိ လုပ်ဆောင်ခဲ့သည်ဟု တွေ့ရှိရပါက ထောင်ဒဏ် ၁၀ နှစ်အထိ ချမှတ်နိုင်ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ဦးဝင်းနိုင်က ဆိုသည်။

“ဒီလူတွေဟာ ဖြစ်စဉ်အမှန်ကို ပြောဆိုရန် ပျက်ကွက်မှုနဲ့လည်း အရေးယူလို့ ရပါတယ်”ဟု သူက ဆိုသည်။

၄၈ လမ်း ဗလီ စာသင်ကျောင်းကို သက်ဆိုင်ရာမှ တရားဝင် ခွင့်ပြုထားခြင်းဖြစ်ပြီး ကလေးများညအိပ် ဘာသာရေးစာပေ သင်ကြားခွင့်ကိုလည်း ဒေသခံ အာဏာပိုင်များက ဧည့်စာ ရင်းဖြင့် ခွင့်ပြုထားခြင်း ဖြစ်ကြောင်း ရန်ကုန်တိုင်းဒေသကြီး အရှေ့ပိုင်းခရိုင် အုပ်ချုပ်ရေးမှူး ဦးလှိုင်စိုးသန့်က ပြောကြားသည်။

မီးလောင်မှုနှင့် ပတ်သက်၍ စုံစစ်စစ်ဆေးရေး ကော်မရှင်ကို ရန်ကုန်တိုင်းဒေသကြီး အစိုးရအဖွဲ့၏ ဧပြီလ ၂ ရက်နေ့ ရက်စွဲပါ စာအမှတ်၊ ၁/၂-၃(၆) စီမံဖြင့် ဖွဲ့စည်းတာဝန်ပေးခဲ့ပြီး စုံစမ်းစစ်ဆေးရေးကော်မရှင်တွင် ရန်ကုန်မြို့တော် လျှပ်စစ်ဓာတ်အားပေးရေးအဖွဲ့ အတွင်းရေးမှူးကို  အဖွဲ့ခေါင်းဆောင်အဖြစ် တာဝန်ပေးခဲ့ပြီး ရန်ကုန်တိုင်းဒေသကြီး မီးသတ်ဦးစီးဌာနမှ တိုင်းဦးစီးမှူး၊ ရန်ကုန်တိုင်း သာသနာရေး  ဦးစီးမှူး၊ ရန်ကုန်တိုင်း ဒု ရဲတပ်ဖွဲ့မှူး၊ ရန်ကုန်အရှေ့ပိုင်း ခရိုင်အုပ်ချုပ်ရေးမှူး၊ ရန်ကုန်မြို့တော် လျှပ်စစ်ဓာတ်အားပေးရေးအဖွဲ့ လက်ထောင်အင်ဂျင်နီယာချုပ်နှင့် စက်မှုကြီးကြပ်ရေးနှင့် စစ်ဆေးရေး ဦးစီးဌာနတို့မှ ဒုတိယညွှန်ကြားရေးမှူးတို့က အဖွဲ့ဝင်များအဖြစ် တာဝန်ယူခဲ့ကြသည်။

ရန်ကုန်မြို့ ဗိုလ်တထောင်မြို့နယ် ၄၈ လမ်း (ရေကျော်ဗလီ) ကျမ်းစာသင်ကျောင်း မီးလောင်မှု ဖြစ်ပြီးနောက် မြင်ကွင်း (ဓာတ်ပုံ – Steve Tickner / ဧရာဝတီ)
ဧရာဝတီ
၄၈ လမ်း အစ္စလမ် ဘာသာရေး စာသင်ကျောင်း မီးလောင်ရခြင်းမှာ ပေါ့ဆမှုကြောင့် လောင်ကျွမ်း ရခြင်း ဖြစ်သည်ဟု အထောက်အထားများဖြင့် ရှင်းပြရာ အစ္စလာမ် ဘာသာရေး အဖွဲ့အစည်း ၅ ခုမှ ခေါင်းဆောင်များ လက်ခံခဲ့ကြောင်း ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက မီဒီယာများသို့ ဧပြီလ ၁၀ ရက်နေ့တွင် ပြောသည်။

ထိုင်းရောက် ရိုဟင်ဂျာများ မြန်မာနိုင်ငံမှ ဟုတ်မဟုတ် စစ်ဆေးမည်

ထိုင်းနိုင်ငံတွင် ခိုလှုံနေထိုင်သော ရိုဟင်ဂျာ ၂,၀၀၀ သည် အမှန်တကယ် ရခိုင်ပြည်နယ်မှ ဝင်ရောက် လာကြသူများ ဟုတ်မဟုတ်ကို စုံစမ်းစစ်ဆေးရာတွင် မြန်မာ အရာရှိများ ထိုင်းနိုင်ငံသို့ လာရောက် ကူညီရန်ရှိကြောင်း ထိုင်း နိုင်ငံခြားရေးဝန်ကြီး Surapong Tovichaikul က ဧပြီလ ၁၀ ရက်နေ့တွင် ပြောကြားလိုက်သည်။

ထိုင်းနိုင်ငံတွင် ရှိနေသော ရိုဟင်ဂျာများသည် အမှန်တကယ် မြန်မာနိုင်ငံမှ ဝင်ရောက် လာကြသူများဖြစ်သည်ဟု စုံစမ်းစစ်ဆေး တွေ့ရှိခဲ့ပါက ၎င်းတို့ကို မြန်မာနိုင်ငံသို့ ပြန်လည် ခေါ်ဆောင်မည်ဟု မြန်မာ
နိုင်ငံခြားရေး ဝန်ကြီး ဦးဝဏ္ဏမောင်လွင် က ၎င်းအား ပြောဆိုကြောင်း မစ္စတာ Surapong အား ကိုးကား၍ ဘန်ကောက်ပို့စ်တွင် ရေးသားထားသည်။

“ကျနော့်ရဲ့ စိုးရိမ်ပူပန်မှုကို သူ့သမ္မတဆီ ပြောပြပါမယ်လို့ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်က ပြောပါတယ်။ အဲဒီ နောက်မှာ ထိုင်းနိုင်ငံမှာ ရွှေ့ပြောင်းခိုလှုံနေတဲ့ ရိုဟင်ဂျာ ၂,၀၀၀ လောက်ဟာ မြန်မာနိုင်ငံက ဟုတ်မဟုတ် စစ်ဖို့ သူ့ရဲ့ မြန်မာအရာရှိတွေကို စေလွှတ်ပေးမယ်လို့ ပြောပါတယ်။ ဖြစ်နိုင်သမျှ မြန်မြန်ပေါ့။ ရိုဟင်ဂျာတွေထဲက ၅၀၀ လောက်က ကလေးနဲ့ အမျိုးသမီးတွေပါ” ဟု Surapong က ပြောသည်။

ကျေနပ်သည်အထိ တောင်းပန်မှ ကျေအေးနိုင်မည်ဟု အမရာဒ်ငြိမ်းပြော

မိုက်ကယ်လန်းစ် အဖွဲ့မှ တေးသံရှင် Jascha Richter နှင့် မြန်မာမော်ဒယ်လ် အမရာဒ်ငြိမ်းတို့ တွဲ၍ ရိုက်ကူးသော ကြော်ငြာနှင့် ပတ်သက်ပြီး ရေးသားခဲ့မှုအပေါ် Myanmar Newsweek ဂျာနယ်မှ ကျေနပ်သည်အထိ တောင်းပန်လျှင် ကျေအေးပေးမည်ဟု အမရာဒ်ငြိမ်းက ဧရာဝတီသို့ ပြောသည်။

မြန်မာအကြောင်းနဲ့ စတင် တင်ဆက်မယ့် စီအင်န်အင်န် အစီအစဉ်သစ်

စီအန်အန်သတင်းဌာန၏ အစီအစဉ်အသစ်တစ်ရပ်ဖြစ်သော နာမည်ကျော်အစားအသောက်ယဉ်ကျေးမှုနှင့် ခရီးသွားအစီအစဉ် တင်ဆက်သူ အန်သိုနီဘာဒိန်း၏ Anthony Bourdain: Parts Unknow တွင် မြန်မာနိုင်ငံမှ အစားအသောက်နှင့် ယဉ်ကျေးမှုများကို ပထမဆုံးအစီအစဉ်အဖြစ် တင်ဆက်သွားမည်ဖြစ်ကြောင်း စီအင်န်အင်န်က ကြေညာထားသည်။

ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ဇာတ်ညွှန်းကိစ္စပြီး၍ ကုန်ကျစရိတ် တွက်ချက်နေပြီ

ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင် ရိုက်ကူးရန် ဇာတ်ညွှန်း ပြီးသွားပြီဖြစ်၍ ကုန်ကျစရိတ် တွက်ချက်ပေးသည့် ကုမ္ပဏီ တခုဖြစ်သော ဥရောပရှိ Wasting Brother ကုမ္ပဏီသို့ ဇာတ်ညွှန်းပေးပို့ကာ ဆက်လက် အကောင်အထည်ဖော်မည်ဟု  အဆိုပါ ရုပ်ရှင်ဖြစ်မြောက်ရေး ကော်မတီ သတင်းနှင့်ပြန်ကြားရေး အဖွဲ့ဝင် ဦးဇော်သက်ထွေး ထံမှ သိရသည်။

ဘီလူးစီးခြင်း (Sleep Paralysis)

ဘီလူးစီးခြင်း (Sleep Paralysis)

ဘီလူးစီးတယ်ဆိုတာကိုယ်တိုင်မကြုံဖူးရင်တောင် လူတိုင်းကြားတော့ကြားဖူးလိမ့်မယ်ထင်ပါတယ်။ လူကနိုးနေရက်နဲ့ ခြေတွေလက်တွေလှုပ်မရ၊ အော်မရပာစ်မရနဲ့ အတော်ကြီးကိုစိတ်ဒုက္ခရောက်ရတဲ့အချိန်ပါ။ အင်္ဂလိပ်လို Sleep Paralysis လို့ခေါ်ပြီးမြန်မာလိုဘီလူးစီးတယ်လို့ခေါ်တဲ့အခြေအနေတစ်ရပ်ကို တစ်ခါလောက်ကြုံဖူးသွားတာနဲ့ နောက်ထပ်ကြုံဖို့လန့်သွားလောက်တဲ့ အတွေ့အကြုံတစ်ရပ်ပါ။
Sleep Paralysis ကိုနှစ်မျိုးခွဲခြားနိုင်ပါတယ်။ Isolated Sleep Paralysis (ISP) နဲ့ Recurrent Isolated Sleep Paralysis (RISP) ဆိုပြီးတော့ပါ။ အလွယ်ပြောရရင် ISP ဆိုတာကလူတိုင်းဖြစ်နိုင်ပေမယ့် RISP ဆိုတာကတော့ အိပ်စက်ခြင်းနဲ့သက်ဆိုင်တဲ့မူမမှန်တဲ့ရောဂါတစ်မျိုးမျိုးရှိနေသူတွေမှာသာ ပိုဖြစ်တတ်ပါတယ်။ ISP ကလူတစ်ယောက်တစ်သက်မှာ တစ်ခါလောက်ပဲကြုံတတ်ပါတယ်။ RISP ကတော့ခဏခဏပြန်ဖြစ်နေတာပါ။ မြန်မာလိုပြောရရင်တော့ ဘီလူးစီးတယ်ဆိုတာက သာမန်လူမှာဆိုရင် တစ်သက်မှာတစ်ခါလောက်ပဲကြုံတွေ့နိုင်ပေမယ့် အိပ်စက်ခြင်းနဲ့သက်ဆိုင်တဲ့ရောဂါရှိသူတွေမှာဆိုရင် ခဏခဏဖြစ်နိုင်ပါတယ်။ တစ်ညတည်းကိုပဲ နှစ်ခါ သုံးခါပြန်ဖြစ်နိုင်ချေရှိပါတယ်။

ဘီလူးစီးတာဘာဖြစ်လို့ဖြစ်ရတာလဲဆိုတာကို ဖြေရှင်းဖို့ကတော့ အတော်လက်ဝင်ပါတယ်။ ဒါပေမယ့်လည်း ဘာကြောင့်လည်းဆိုတဲ့ အဖြေအတိအကျတော့မရှိဘဲ သီအိုရီသဘောတရားအရပဲရှိပါသေးတယ်။ လူတစ်ယောက်ရဲ့အိပ်စက်ခြင်းကို REM (rapid eye movement) နဲ့ NREM (non-rapid eye movement) ဆိုပြီးတော့အဆင့်ခွဲပါတယ်။ အဲဒီတစ်ဆင့်ခြင်းဆီမှာကိုပဲ သူနဲ့သက်ဆိုင်တဲ့ဦးနှောက်ရဲ့တုန့်ပြန်မှုတွေ၊ ခန္ဒာကိုယ်ရဲ့တုန့်ပြန်မှုတွေရှိပါတယ်။ တစ်ညတာအိပ်စက်တဲ့အခါမှာ ဒီ NREM နဲ့ REM အဆင့်တွေအလှည့်ကျဖြစ်ပေါ်အောင် ဦးနှောက်ကထိန်းချုပ်ထားရပါတယ်။ အလွယ်ပြောရရင်တော့ NREM ဆိုတာက အိပ်တစ်ဝက်နိုးတစ်ဝက်အခြေအနေဖြစ်ပြီး REM ကတော့လုံးဝအိပ်ပျော်သွားတဲ့အခြေအနေတစ်ရပ်ဖြစ်ပါတယ်။ REM အချိန်မှာလူတွေပာာ အိပ်မက်မက်ကြပါတယ်။ အိပ်မက်ထဲမှာဆိုပေမယ့်လည်း ကိုယ့်စိတ်ထဲမှာတော့ တကယ်ထင်နေတာပါပဲ။ အဲဒီတော့အိပ်မက်ထဲမှာ လက်သီးထိုးနေရင် အပြင်မှာလည်း လိုက်ထိုးနေဖို့ရှိပါတယ်။ အိပ်မက်ထဲမှာဘောလုံးကန်နေရင် အပြင်မှာလည်း လိုက်ကန်နေမိပါလိမ့်မယ်။ အဲဒီတော့အဲလိုမျိုး အိပ်မက်ထဲမှာ လုပ်တဲ့အတိုင်းအပြင်မှာလျှောက်မဖြစ်နေအောင် ဦးနှောက်က REM အဆင့် လူတွေအိပ်မက်မက်ပြီဆိုရင် အိပ်မက်ထဲကအတိုင်းအပြင်မှာလိုက်မလုပ်နိုင်အောင် လူထိန်းချုပ်လို့ရတဲ့ ကြွက်သားတွေကို လုံးဝမလှုပ်တော့အောင် လှမ်းပိတ်ထားလိုက်ပါတယ်။ ပြီးတော့မှနိုးတော့မယ်ဆိုမှ REM အဆင့်ကနေ NREM ဖြစ်၊ ဦးနှောက်ကထိန်းချုပ်ထားတာတွေကို ပြန်လျှော့ပြီး ပြန်လှုပ်ရှားလို့ရအောင်လုပ်ပါတယ်။ ဦးနှောက်က REM အဆင့်မှာထိန်းချုပ်တဲ့နေရာမှာ လူကိုယ်တိုင်ထိန်းနိုင်တဲ့ကြွက်သားတွေကိုသာ သေအောင်လုပ်ထားပါတယ်။ အဲဒါကြောင့် ဘီလူးစီးတဲ့အချိန်မှာ မအော်နိုင်မပာစ်နိုင်၊ မလှုပ်ရှားနိုင်ပေမယ့် အသက်ရှူတာလိုမျိုး အရေးကြီးတဲ့ကြွက်သားတွေကတော့ ပုံမှန်အလုပ်ဆက်လုပ်ပါတယ်။ အဲလိုဘီလူးစီးတယ်ဆိုတဲ့အခြေအနေဖြစ်ပေါ်ရတာကတော့ ခုနကပြောထားတဲ့ REM အဆင့်ကနေမလျော့ဘဲ ဦးနှောက်ကထိန်းချုပ်ထားတာတွေ မလျှော့ဘဲအလုပ်လုပ်ပုံမှားယွင်းတာကြောင့် နိုးသွားပြီးလူရဲ့သိစိတ်ပြန်ဝင်လာတာဖြစ်ပါတယ်။ ဒါပေမယ့်လည်း ဦးနှောက်ကအိပ်နေတယ်လို့ပဲဆက်သတ်မှတ်ထားပြီး REM အဆင့်မှာပဲဆက်ထားတဲ့အခါမှာ အခုလိုမျိုး လှုပ်မရ၊ အော်မရ ဖြစ်လာပါတယ်။ အိပ်မက်မက်နေသလို၊ တကယ်ဖြစ်နေသလိုခံစားရပါတယ်။ နိုးလာစေချင်ပေမယ့်လည်း မနိုးနိုင်ဖြစ်ခါ အတော်ကြီးကိုစိတ်ဒုက္ခရောက်ရပါတယ်။ အခြားအပြင်ဘက်က အထိအတွေ့ တစ်ခုခုကြောင့်နဲ့ ဦးနှောက်ကပြန်ပြီး ပုံမှန်ပြန်လုပ်သွားတဲ့အခါကျမှ ပြန်လှုပ်လို့ရသွားပါတယ်။ ဆိုလိုချင်တာက အပြင်ကလူတစ်ယောက်ယောက်မနှိုးမခြင်း၊ REM အဆင့်မကုန်သွားမခြင်း လှုပ်လို့မရသေးပါဘူး။ နောက်တစ်ချက်ကတော့ ဘီလူးစီးတဲ့အချိန်မှာ လူတွေပာာအိပ်မက်လိုဖြစ်နေပေမယ့်တကယ့်ကို ကြောက်မက်ဖွယ်ကောင်းတဲ့ စိတ်ခြောက်ခြားစရာဖြစ်တဲ့ အန္တရာယ်တစ်ခုခုနဲ့ကြုံတွေ့နေရတယ်လို့ စိတ်ထဲမှာခံစားမိနေပါတယ်။ အဲဒါကလည်း သိစိတ်ရှိနေတဲ့ REM အဆင့်ရဲ့နောက်ဆက်တွဲအနေနဲ့ ဦးနှောက်ဘာသာပြန်တာ လွန်ကဲပြီးဒီအခြေအနေပာာ အသက်အန္တရာယ်ထိရှိလာနိုင်တယ် အရမ်းကြောက်ဖို့ကောင်းတယ်လို့ နောက်ဆက်တွဲဘာသာပြန်ပါတယ်။ အဲဒါကြောင့် ဘီလူးစီးခံရတဲ့လူတွေပာာ အဲလိုလှုပ်လို့မရတဲ့အခြေအနေတစ်ရပ်မှာ အင်မတန်ကိုကြောက်စရာကောင်းတဲ့ အတွေ့အကြုံခံစားခဲ့ရတယ်လို့ထင်ပြီး နိုးလာရင်တောင်ကြောက်စိတ်မပြယ်ဖြစ်နေတတ်ပါတယ်။ ဒီလိုဦးနှောက်ကဘာသာပြန်မှားယွင်းတာပာာ ဦးနှောက်ကိုအောက်ဆီဂျင်သိပ်မရောက်တဲ့အခြေအနေတွေ ဥပမာ လေ၀င်လေထွက်မကောင်းတာမျိုး၊ ကာဘွန်ဒိုင်အောက်ဆိုက်ဒ် အရမ်းများနေတဲ့အခန်းထဲမှာအိပ်တာမျိုးဆိုရင် ပိုဖြစ်တတ်ပါတယ်။ တစ်ခါတလေမှာ အဲဒါကအလွန်ပြင်းထန်သွားတတ်ပြီး အိပ်တစ်ဝက်နိုးတစ်ဝက်ဖြစ်ကာ အိပ်မက်လို့သိနေပေမယ့်လည်း အသက်ရှူကြပ်တဲ့အထိ၊ အသက်ရှူလို့မရတဲ့အခြေအနေထိဖြစ်လာပါတယ်(ကျနော်တစ်ခါဖြစ်ဖူးပါတယ် အိပ်မက်မက်ရင်း အသက်ရှူကြပ်လာတာ။ တော်သေးတယ် မသေသွားလို့။) ဘီလူးစီးခြင်း (Sleep paralysis)ပာာအသက်အန္တရာယ်ဖြစ်လောက်အောင်ဒုက္ခမပေးနိုင်ပေမယ့် ခံစားခဲ့ရတဲ့သူအတွက်တော့ တစ်သက်တာမမေ့နိုင်အောင် ကြောက်မက်ဖွယ်ကောင်းခဲ့ပါတယ်။

ဘီလူးစီးတာပာာ အိပ်မပျော်တဲ့သူတွေ၊ အိပ်ချိန်မမှန်တဲ့သူတွေ၊ ပက်လက်အိပ်တတ်သူတွေ၊ ဖိအားများလွန်းတဲ့သူတွေ၊ အရမ်းကိုပင်ပန်းနွမ်းနယ်နေတဲ့သူတွေ၊ ဆေးသုံးတဲ့သူတွေမှာ ပိုဖြစ်ပါတယ်။ ဒီနေရာမှာတော့ မြန်မာတွေအရင်တည်းကယူဆလာတဲ့အချက်က အတော်မှန်နေတာတွေ့ရပါတယ်။ ငယ်ငယ်တုန်းက ဘီလူးစီးခံရတယ်ပြောရင် လူကြီးတွေက ပက်လက်မအိပ်နဲ့လို့ ပြောခဲ့တာက အခုသိပ္ပံနည်းကျရှင်းတဲ့အခါမှာလည်း အင်မတန်မှန်နေပါတယ်။ ပက်လက်အိပ်တဲ့အခါမှာ ခန္ဒာကိုယ်အနေအထားကြောင့် လျှာဒါမှမပာုတ်အာခေါင်ပျော့တို့ရဲ့ဖိအားကြောင့် အသက်ရှူလမ်းကြောင်းပိတ်ပြီး လေသိပ်မ၀င်တော့တဲ့အခါ ဘီလူးစီးတာဖြစ်ပေါ်လာနိုင်တယ်လို့ဆိုပါတယ်။ ပုံမှန်အိပ်တာ၊ လေ၀င်လေထွက်ကောင်းအောင်လုပ်တာနဲ့ အိပ်ရာကုတင်သန့်သန့်ရှင်းရှင်းနဲ့ လူလည်းသန့်သန့်ရှင်းရှင်းအိပ်မယ်ဆိုရင် Sleep Paralysis ကိုကာကွယ်နိုင်ပါတယ်။ 
Dr.သူရိန်လှိုင်ဝင်း
 
ဘီလူးစီးတယ်ဆိုတာကိုယ်တိုင်မကြုံဖူးရင်တောင် လူတိုင်းကြားတော့ကြားဖူးလိမ့်မယ်ထင်ပါတယ်။ လူကနိုးနေရက်နဲ့ ခြေတွေလက်တွေလှုပ်မရ၊ အော်မရပာစ်မရနဲ့ အတော်ကြီးကိုစိတ်ဒုက္ခရောက်ရတဲ့အချိန်ပါ။ အင်္ဂလိပ်လို Sleep Paralysis လို့ခေါ်ပြီးမြန်မာလိုဘီလူးစီးတယ်လို့ခေါ်တဲ့အခြေအနေတစ်ရပ်ကို တစ်ခါလောက်ကြုံဖူးသွားတာနဲ့ နောက်ထပ်ကြုံဖို့လန့်သွားလောက်တဲ့ အတွေ့အကြုံတစ်ရပ်ပါ။

တူနှင့်ထုတောင် မကွဲနိုင်သော အိုင်ဖုန်း စခရင်ကာဗာ

တူနှင့်ထုတောင် မကွဲနိုင်သော အိုင်ဖုန်း စခရင်ကာဗာ
Thursday, 11 April 2013

တူနဲ့ထုတောင် မကွဲဘူးဆိုတော့ ရည်ရွယ်ချက်ကြီးနဲ့တော့ သွားမထုလိုက် ပါနဲ့။ သူက ကြော်ငြာဆိုတော့ နည်းနည်းလေး ပိုပြောလိုက်ရမှ စွဲဆောင်မှု ရှိတယ်လို့ ထင်ပုံရပါတယ်။

သို့ပေမယ့် တကယ်လည်း အကြမ်းခံပါတယ်။ အာမခံလည်း ပေးထား ပါတယ်။ နာနိုနည်းပညာနဲ့ ပြုလုပ်ဖန်တီးထားတဲ့ ယင်း Screen Shield (မျက်နှာပြင် ကာဗာ) ကို Rhino လို့အမည်ပေးထားပါတယ်။ အသုံးပြုတဲ့ သတ္တုက ဘာလဲ ဆိုတောင် ရှင်းရှင်းမပြောထားပါဘူး။ Touch Sense လည်းပုံမှန်အတိုင်း ရှိစေပြီး Crystal Clear မျက်နှာပြင်ကြောင့် မူလရုပ်ထွက်လည်း မပြောင်းလဲ စေဘူးလို့ ဆိုပါတယ်။

သွားရင်းလာရင်း အိုင်ဖုန်းပြုတ်ကျသွားရင်တောင် ဘယ်လိုမှ ဖန်သားပြင် ကွဲစရာ အကြောင်းမရှိဘူးလို့ဆိုပါတယ်။ နမော်နမဲ့နိုင်သူများအတွက် ပိုအဆင်ပြေမယ်ထင်ပါတယ်။ ဝိတ်လည်းမလေးပါဘူး။ အလွှာပါးပါးလေးသာ
ဖြစ်ပြီး သူ့ကိုတပ်ဆင်ထားမှုက အခြားသိသိသာသာ ပြောင်းလဲစေမှု မဖြစ်နိုင်ပါဘူး။

Rhino Screen Shield ကို လိုချင်ရင်တော့ နီးစပ်ရာဖုန်းဆိုင်တွေကနေ
အော်ဒါမှာကြည့်လို့ ရမယ်ထင်ပါတယ်။
--
engadgets တူနဲ့ထုတောင် မကွဲဘူးဆိုတော့ ရည်ရွယ်ချက်ကြီးနဲ့တော့ သွား မထု လိုက်ပါနဲ့။ သူက ကြော်ငြာဆိုတော့ နည်းနည်းလေး ပိုပြော လိုက်ရမှ စွဲဆောင်မှု ရှိတယ်လို့ ထင်ပုံရပါတယ်။
သို့ပေမယ့် တကယ်လည်း အကြမ်းခံပါတယ်။ အာမခံလည်း ပေးထား ပါတယ်။ နာနိုနည်းပညာနဲ့ ပြုလုပ်ဖန်တီးထားတဲ့ ယင်း Screen Shield (မျက်နှာပြင် ကာဗာ) ကို Rhino လို့အမည်ပေးထားပါတယ်။

"ချစ်သူလို ပွေ့ ဖက်ထားပေးမယ့် ကုတ်အကျီ"

"ချစ်သူလို ပွေ့ ဖက်ထားပေးမယ့် ကုတ်အကျီ"
Thursday, 11 April 2013

သင်ဟာ အခန်းထဲမှာ တိတ်တိတ်လေးနေပြီး အင်တာနက်သုံးရင်းအထီး
ကျန်ဆန် နေတက်သူ ရည်းစားမရှိသူ တစ်ယောက်လား.?အားငယ်စရာ
မလိုတော့ပါဘူး..

ဂျပန်နိုင်ငံ University of Tsukuba က ကျောင်းသားလေး တစ်ယောက်ဟာ
ချစ်သူလို ပွေ့ ဖက်ထားပေးမယ့် ကုတ်အကျီ " Girlfriend Coat " ဆိုတဲ့ ဟာလေးကို တီထွင်ပြီး ဆိုရှယ်မီဒီယာတစ်ခုဖြစ်တဲ့ Youtube မှာ ချပြ
ခဲ့ပါတယ်။

နီယွန်အရောင် ခါးပတ်လေး တစ်ခုက ထင်ထင်ရှားရှား ပါတာက လွဲရင် ဒါလေးက သာမန် ကုတ်အကျီတစ်ထည်သာသာ ပဲ အမြင်ရှိပါတယ်။ ပြီးတော့ အသုံးပြုမယ်ဆိုရင် ခါး တစ်ခုလုံးကို မြဲနေအောင် ခါးပတ်ပေး
ထားရမှာ ဖြစ်ပါတယ်။

ပြီးတော့ Ear Phone တပ်ပေးရပါမယ် .. အကျီမှာ တပ်ထားတဲ့ စက်
ကလေးကို ဖွင့်လိုက်တာနဲ့  ဘေးနားက ခါးကို လာသိုင်းဖက်တဲ့ ခံစားမှုကို အရင်ခံစားရမှာပါ.. နောက် နားမှာ တပ်ထားတဲ့ Ear Phone လေးကနေ မိန်းကလေး အသံ တစ်သံ ထွက်လာပါလိမ့်မယ်.. ဘာလဲဆိုတော့..

"I'm sorry! I'm late!" ဆိုတာမျိုး နဲ့ မိမိကို နှစ်သိမ့်တဲ့ အသံကို ခံစားရပါမယ်။

" ဒီ ပစ္စည်းလေး တီထွင်ရခြင်း အကြောင်းရင်း က တစ်ကိုယ်ထဲ ဖြစ်နေတဲ့  လူသားတိုင်းကို ချစ်သူရည်းစား ရှိတဲ့ ပုံစံ ခံစားမှုကို ပေးချင်လို့ ပါ" လို့ ဟက်ဝဲလ်အင်ဂျင်နီယာ တစ်ယောက်ဖြစ်တဲ့ တီထွင်မှုမှာ ပါဝင်သူ Hikaru Sugiura က ပြောခဲ့ပါတယ်။

ဂျပန်လိုကတော့ ဒီ ကုတ်အကျီ ကို Riajyuu Coat လို့ အမည်ပေးထားပြီး အဓိပ္ပါယ်က အင်တာနက် မှာ မဟုတ်ဘဲ ပြင်ပလောက မှာပါ စိတ်ပျော်ရွင်မှု ကို ရရှိစေလိုတဲ့  သူများ အတွက်လို့  ဆိုထားပါတယ်။

လောလောဆယ်ကတော့ ဒီကုတ်အကျီလေးကို You Tube မှာ မိတ်ဆက်ပြ
သတဲ့ အဆင့်ပဲ ရှိပြီး ဈေးကွက်ကို ချပြဖို့ ရည်ရွယ်ချက် ရှိမရှိကိုတော့ မဖော်ပြထားပါဘူး။

ဒီကုတ် အကျီလေး အကြောင်းကို စိတ်ဝင်စားရင်တော့..အောက်ပါလင့်မှာ
သွားရောက် လေ့လာနိုင်ပါကြောင်း..

----
http://youtu.be/GuYNcbpqQkg သင်ဟာ အခန်းထဲမှာ တိတ်တိတ်လေးနေပြီး အင်တာနက် သုံးရင်း အထီး ကျန်ဆန် နေတက်သူ ရည်းစားမရှိသူ တစ်ယောက်လား.? အားငယ်စရာ မလိုတော့ပါဘူး..
ဂျပန်နိုင်ငံ University of Tsukuba က ကျောင်းသားလေး တစ်ယောက်ဟာချစ်သူလို ပွေ့ ဖက်ထားပေးမယ့် ကုတ်အကျီ " Girlfriend Coat " ဆိုတဲ့ ဟာလေးကို တီထွင်ပြီး ဆိုရှယ်မီဒီယာတစ်ခုဖြစ်တဲ့ Youtube မှာ ချပြခဲ့ပါ တယ်။

ဗီယက်နမ် လူမျိုးများ အသားအရေနှင့် ခန္ဓာကိုယ်လှပရသည့် အကြောင်း အရင်း

ဗီယက်နမ် လူမျိုးများ အသားအရေနှင့် ခန္ဓာကိုယ်လှပရသည့် အကြောင်း
အရင်း 
Thursday, April 11, 2013

ဗီယက်နမ် နိုင်ငံသူ၊ နိုင်ငံသား အများစုက အသက် ကြီးငယ်မရွေး အ
သား အရေ ကြည်လင်လှပပြီး ခန္ဓာကိုယ်အဆီမရှိဘဲ သွယ်လျ လှပကြ
တာ ကို တွေ့ရှိ့ ရပါတယ်။ ဘာကြောင့် သူတို့အနေနဲ့ အသားအရေလှ
ပပြီး ခန္ဓာကိုယ် ကြည့်ကောင်း နေရ သလဲဆိုတဲ့ အကြောင်းကတော့ စားသောက်တဲ့ အစား အသောက်အများစုက ဆီမပါတဲ့ ဟင်းလျာတွေ၊ 
ငါး၊ ပုစွန်၊ ကမာ၊ ခရုစတဲ့ ပင်လယ် စာတွေ၊ ကစွန်းရွက်၊ သခွားသီး စ
တာတွေ ဖြစ်နေ တာကို တွေ့ရပါ တယ်။ ဒါကြောင့် ဗီယက်နမ် လူမျိုးတွေကို ကျန်းမာလှပစေတဲ့ အဓိက ဟင်းလျာ တွေအကြောင်းကို ပြောပြချင်ပါတယ်။


၁။ ဗီယက်နမ် ဟင်းလျာထဲတွင် အဓိက ပါဝင်ပစ္စည်းများ

ဗီယက်နမ် ဟင်းလျာတွေထဲမှာ ငါးနဲ့လုပ်ထားတဲ့ ဆော့စ်၊ ပဲပိစပ်ဆော့စ်၊ ဆန်၊ လတ်လတ်ဆတ်ဆတ် ဟင်းခတ် အမွှေးအကြိုင်တွေ၊ သစ်သီးနဲ့ ဟင်းသီး ဟင်းရွက်တွေကို အဓိက အသုံးပြုပါတယ်။ ဟင်းခတ် အမွှေး
အကြိုင်အနေနဲ့ ပူရှိန်း၊ ပင်စိမ်းရွက်၊ နံနံပင်၊ ရှောက်သီး၊ သံပရာသီး၊ ဆ
လတ်၊ ကြက်သွန်ဖြူ၊ ချင်း(ဂျင်း) စတာတွေကို သုံးလေ့ရှိပါတယ်။ ဗီယက်နမ်လူမျိုးတွေက ဟင်းလျာ တစ်မျိုးထဲကို ထည့်သွင်း ချက်ပြုတ်မယ့် ပါဝင်ပစ္စည်းတွေရဲ့ လတ်ဆတ် သန့်ရှင်းမှုနဲ့ ဆေးဖက်ဝင်ပုံတို့ကို အထူး အလေးထားပါတယ်။

၂။ ဗီယမ်နမ် မိသားစုများ စားသောက်ပုံ

ပျမ်းမျှအားဖြင့် ဗီယက်နမ် မိသားစုတွေက ထမင်းဖြူ ပန်းကန်လုံးတစ်ခွက်စာ၊ ငါး ဒါမှမဟုတ် ပင်လယ်စာနဲ့ ဟင်းသီးဟင်းရွက် ရောပြုတ်ထားတဲ့ ဟင်းရည်၊ ဟင်းသီးဟင်းရွက်သနပ်၊ ဟင်းသီးဟင်းရွက်ပြုတ်နဲ့ ဟင်းသီးဟင်းရွက်ကြော် တစ်မျိုး၊ ဗီယက်နမ်ရိုးရာ ခေါက်ဆွဲ စွပ်ပြုတ်တွေ ပါဝင်ပါတယ်။ အဲဒီအစာတွေ နဲ့ တွဲစားနိုင်ဖို့ ငါးဆော့စ် ဒါမှမဟုတ် ပဲပိစပ်ဆော့စ်၊ ကြက်သွန်ဖြူ၊ ငံပြာရည် စတာတွေကိုလည်း ပြင်ဆင်ထားပါတယ်။ ထမင်းစားပြီး အချိုပွဲအနေနဲ့ စားတတ် တာကတော့ သင်္ဘောသီး၊ ပဲသုပ်နဲ့ ရာသီပေါ် အသီးအနှံတွေပဲ ဖြစ်ပါတယ်။

၃။ ဗီယက်နမ်ရိုးရာ ခေါက်ဆွဲစွပ်ပြုတ်

ထမင်းစားတိုင်း မပါမဖြစ်ပါခဲ့တာက ကြက်သား ဒါမှမဟုတ် ဝက်သား ဒါမှမဟုတ် အမဲသားပါတဲ့ ခေါက်ဆွဲစွပ်ပြုတ်ပဲ ဖြစ်ပါတယ်။ အဲဒီ စွပ်ပြုတ်ရဲ့ နာမည်က Pho ဖြစ်ပါတယ်။ အဆီမပါဘဲ ပြုတ်ရည်ကို အရသာရှိပြီး ချိုမွှေး နေအောင် ပြုလုပ်ထားပါတယ်။ အဲဒီစွပ်ပြုတ်ကို အနီရောင်ငရုတ်သီး၊ ပင်စိမ်း၊ ကြက်သွန်နီ၊ ဟင်းသီးဟင်းရွက်တွေနဲ့ ရောထည့် စားရပါတယ်။

၎။ ဗီယက်နမ် ကြက်ဥကြော်

ကြက်ဥကြော် ကလည်း ဗီယက်နမ်တွေရဲ့ ရိုးရာ အစားအသောက်ထဲမှာ တစ်မျိုး အပါအဝင်ပါပဲ။ ကြက်ဥကို မွှေပြီး အခွံခွာထားတဲ့ ပုစွန် ဒါမှမဟုတ် ကမာ၊ ကြက်သွန်နီပါးပါး၊ တစ်ခါတစ်ရံ မှိုထည့်ပြီး အုန်းဆီ၊ နနွင်းမှုန့်
တို့နဲ့ ရောပြီးကြော်တာ ဖြစ်ပါတယ်။ အုန်းဆီ (Coconut Oil) က ဗီယက်နမ်မှာ အသုံးများတဲ့ဆီ ဖြစ်ပါတယ်။

၅။ ဗီယက်နမ် ထမင်းလိပ်

ဒါကို Vietnamese Fresh Roll လို့ခေါ်ပြီး ဆန်ကို စက္ကူပုံစံ အလိပ်လေး လုပ်ပြီး အထဲမှာ ပုဇွန်၊ ဟင်းခတ်အမွှေးအကြိုင်၊ အသား၊ မြေပဲဆော့စ် စတာတွေ ထည့်ပါတယ်။ အများအားဖြင့် ဂျုံခေါက်ဆွဲ ဒါမှမဟုတ် ဂျုံကြာ
ဆံနဲ့ ရာသီပေါ် ဟင်းသီးဟင်းရွက်တွေကို ထည့်သွင်း ပြုလုပ်ကြပါတယ်။

၆။း ဗီယက်နမ်ရိုးရာ ဆေးနည်းများ

လူ့ခန္ဓာကိုယ်မှာ ဓာတ်ပစ္စည်းတွေ မျှတနေဖို့အတွက် ဟင်းလျာတစ်မျိုးထဲ ထည့်မယ့် ပါဝင်ပစ္စည်းတွေကို ရွေးချယ် သုံးစွဲကြပါတယ်။

- ဘဲသားကို အအေးစာလို့ ယူဆပြီး နွေရာသီမှာ စားကြပါတယ်။ ချင်း(ဂျင်း)ပါတဲ့ ငါးဆော့စ်နဲ့ တွဲစားပေးရင် နွေးတယ်လို့ ယူဆပါတယ်။ ကြက်သားကို အနွေးစာ၊ ဝက်သားကို အပူစာလို့ ယူဆပြီး ဆောင်းရာသီမှာ အစားများ ပါတယ်။

- ပင်လယ်စာကို အအေးစာလို့ ယူဆပြီး ချင်း(ဂျင်း)နဲ့ တွဲစားပါတယ်။

- ဟင်းခတ် အမွှေးအကြိုင်တွေကို ချဉ်တဲ့ ဆော့စ်တွေနဲ့ တွဲဖက်ပြုလုပ်ပြီး ယင်ဓာတ်နဲ့ ယန်ဓာတ် မျှတအောင် ပြုလုပ်ပါတယ်။

- အအေးမိနေသူ၊ တုပ်ကွေး ကွေးနေသူတွေကို ချင်းပြုတ်ရည် သောက်ခိုင်း ပါတယ်။

ဇွန်ခိုင်ဦး(ဆေးဝါးတက္ကသိုလ်)
လူဗိုလ်ဟူသည်
ဗီယက်နမ် နိုင်ငံသူ၊ နိုင်ငံသား အများစုက အသက် ကြီးငယ်မရွေး အသား အရေ ကြည်လင်လှပပြီး ခန္ဓာကိုယ်အဆီမရှိဘဲ သွယ်လျလှပကြတာ ကို တွေ့ရှိ့ ရပါတယ်။ ဘာကြောင့် သူတို့အနေနဲ့ အသားအရေလှပပြီး ခန္ဓာကိုယ် ကြည့်ကောင်း နေရသလဲဆိုတဲ့ အကြောင်းကတော့ စားသောက်တဲ့ အစား အသောက်အများစုက ဆီမပါတဲ့ ဟင်းလျာတွေ၊ငါး၊ ပုစွန်၊ ကမာ၊ ခရုစတဲ့ ပင်လယ် စာတွေ၊ ကစွန်းရွက်၊ သခွားသီး စတာတွေ ဖြစ်နေတာကို တွေ့ရပါတယ်။ ဒါကြောင့် ဗီယက်နမ် လူမျိုးတွေ ကို ကျန်းမာလှပစေတဲ့ အဓိက ဟင်းလျာ တွေ အကြောင်း ကို ပြောပြ ချင် ပါတယ်။

နိုင်ငံသား စိစစ်ရေးကတ်များကို စမတ်ကတ်အဖြစ် ပြောင်းနိုင်ရန် စမ်းသပ်

နိုင်ငံသား စိစစ်ရေးကတ်များကို စမတ်ကတ်အဖြစ် ပြောင်းနိုင်ရန် စမ်းသပ်
Thursday, April 11, 2013

မြန်မာနိုင်ငံတွင် လက်ရှိအသုံးပြုနေသော နိုင်ငံသား စိစစ်ရေးကတ်ပြားများကို စမတ်ကတ် အဖြစ်ပြောင်းလဲ နိုင်ရေးအတွက် နိုင်ငံခြား ကုမ္ပဏီများက လာရောက် စမ်းသပ်မှု ပြုလုပ်နေကြောင်း လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန (လဝက) ထံမှ သိရသည်။

စမတ်ကတ် ပုံစံအဖြစ် ပြောင်းနိုင်ရန် တောင်ကိုရီးယား၊ ဂျပန် နှင့် မလေးရှားနိုင်ငံတို့မှ ကုမ္ပဏီ ၆ ခုက လဝက ဌာနမှ နိုင်ငံသား စိစစ်ရေး ကိုယ်ရေး အချက်အလက်များကို ယူ၍ စတင် စမ်းသပ်နေပြီဖြစ်ကြောင်း လဝက ညွှန်ကြားရေးမှူးချုပ် ဦးမောင်မောင်သန်း က ဧရာဝတီသို့ ပြောသည်။

“စမတ်ကတ်လုပ်ဖို့ Data Center ကို အရင်သွင်းပြီးမှ လုပ်ရမှာကိုး ဒီဥစ္စာကြတော့ နည်းပညာပိုင်းတွေ ပါလာတယ်ဆိုတော့ ပြန်ပြီး စိစစ်တဲ့ အခါလည်း အဆင်ပြေအောင် လာကမ်းလှမ်းတဲ့ ကုမ္ပဏီမှန်သမျှကိုလည်း သူတို့ အဆင်ပြေအောင် ဘယ်လို လုပ်နိုင်မလဲ ဆိုတာကို ပြန်တင်ပြနိုင်အောင်လို့ စမ်းသပ် လေ့လာ ခိုင်းထားတာပါ”ဟု ဦးမောင်မောင်သန်းက ပြောသည်။

ယင်းလုပ်ငန်းစဉ်ကို နိုင်ငံခြားကုမ္ပဏီများက ကမ်းလှမ်းလာခြင်းဖြစ်သော်လည်း မြန်မာအစိုးရဘက်မှလည်း ခေတ်နှင့် လျော်ညီ သည့် စမတ်ကတ်များအဖြစ်ပြောင်းလဲ အသုံးပြုနိုင်ရေး ပြုလုပ်ပေးရန် အစီအစဉ်များ ရှိပြီးသားဖြစ်ကြောင်းလည်း သူက ဆက်ပြော သည်။

လက်ရှိ အသုံးပြုလျက်ရှိသော နိုင်ငံသား စိစစ်ရေးကတ်မှာ စက္ကူဖြင့် ပြုလုပ်ထားခြင်းဖြစ်ပြီး ယင်းကတ်တွင် ကာယကံရှင် နိုင်ငံ သား ၏ ကိုယ်ရေး အချက်အလက်များ ပြည့်စုံစွာ ထည့်ထားနိုင်ခြင်း မရှိပေ။

စမတ်ကတ်တွင်မူ နိုင်ငံသား၏ ကိုယ်ရေး အချက်အလက်များ၊ ထင်ရှားသည့် အမှတ်အသားများနှင့် မိဘ၊ ဘိုးဘွားများ၏ ကိုယ်ရေး အချက်အလက်များပါ ပါဝင်မည်ဖြစ်ပြီး စက်ဖြင့် စစ်ဆေးသည့် နည်းစနစ်လည်း ဖြစ်သည်။

အချက်အလက်များကို သိမ်းဆည်းထားသော အဆိုပါ စမတ်ကတ်ကို ကွန်ပျူတာစက်အတွင်းသို့ ထည့်သွင်း စစ်ဆေးလျင် ကာယကံ ရှင်၏ ကိုယ်ရေး အချက်အလက်များအားလုံး ပေါ်ထွက်လာမည်ဖြစ်ပြီး လက်ရှိအသုံးပြုနေသည့် နိုင်ငံသား စိစစ်ရေး ကတ် ထက် ခိုင်ခန့်ပြီး အသုံးပြုရန်လွယ်ကူမည် ဖြစ်ကြောင်း သိရသည်။

“ပြောင်းမယ်ဆိုရင် ကုန်ကျမယ့် စရိတ်တွေက အများကြီးရှိတာပေါ့နော့ ဒါကို ဘယ်လိုလုပ်လို့ရမလဲ ဆိုတာကို အရင်ဆုံး ကျနော် တို့က စမ်းသပ်နေတာပေါ့၊ ဒါတွေအပေါ်မှာ မူတည်ပြီးတော့ ငွေကြေး ကုန်ကျစရိတ်တွေ တွက်ချက်ရမယ်၊ ပြီးတော့မှ ဘယ်လိုလုပ် ပေးလို့ရမလဲ၊ နိုင်ငံတော်ကပဲ လုပ်ပေးနိုင်မလား၊ ပြည်သူဆီကနေ ကတ်ဖိုး ကောက်ရင်ရော ဘယ်လိုရှိမလဲ ဒါတွေကို အကုန်လုံး
ချိန်ဆရ ဦးမှာပေါ့၊ ပထမဦးဆုံး ကတော့ Data Center ကြီးကိုဆောက်ဖို့ အဓိကပေါ့”ဟု ဦးမောင်မောင်သန်းက ပြောဆိုသည်။

ဧရာဝတီ

ယမန်နှစ် ဇွန်လမှ ဇူလိုင်လ အတွင်း လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနမှ ပြုလုပ်သော မိုးပွင့် အဆင့် ၃ စီမံချက်တွင် နိုင်ငံသား စိစစ်ရေး ကတ်ပြား ထုတ်ပေးနေသည်ကို တွေ့ရစဉ် (ဓာတ်ပုံ – MRTV4) မြန်မာနိုင်ငံတွင် လက်ရှိအသုံးပြုနေသော နိုင်ငံသား စိစစ်ရေး ကတ်ပြားများကို စမတ်ကတ် အဖြစ်ပြောင်းလဲ နိုင်ရေး အတွက် နိုင်ငံခြား ကုမ္ပဏီများက လာရောက် စမ်းသပ် မှု ပြု လုပ်နေကြောင်း လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန (လဝက) ထံမှ သိရသည်။
စမတ်ကတ် ပုံစံအဖြစ် ပြောင်းနိုင်ရန် တောင်ကိုရီးယား၊ ဂျပန် နှင့်

ဒါတွေသိမှ Internet ကို ဖုန်းနဲ့ သုံးပါ…….

ဒါတွေသိမှ Internet ကို ဖုန်းနဲ့ သုံးပါ…….


မိုဘိုင်းဖုန်းတွေကနေ အင်တာနက် ဆက်သွယ်မှုတွေကို data usage နဲ့ ကောက်ခံတော့မယ်ဆိုတော့ အသုံးပြုကြတဲ့သူတွေ အနေနဲ့ ကိုယ်ဘာတွေကို သုံးနေပြီး ဘယ်လောက် ကုန်ကျနိုင်တယ်ဆိုတာကို အကြမ်းဖျင်းလောက်တော့ သိထားကြဖို့ လိုပါတယ်။

ကိုယ်သုံးနေတဲ့ ဖုန်းရဲ့ data usage အနည်းအများဟာ အဓိကအားဖြင့်တော့ အသုံးပြုတဲ့ internet applications တွေနဲ့ တိုက်ရိုက် သက်ဆိုင်ပါတယ်။

Typical Data Usage

-       အင်တာနက်ကနေ မိနစ် 30 ခန့် တီဗွီကြည့်မယ်ဆိုယင် 90 MB ခန့်

-       YouTube က music video တွေ 4 mins လောက် ကြည့်မယ်ဆိုယင် 11 MB ခန့်

-       Radio apps တွေသုံးပြီး internet radio 10 mins လောက် နားထောင်ယင် 15 MB ခန့်

-       Facebook ကို video streaming မပါပဲ 15 mins လောက် သုံးမယ်ဆိုယင် 5 MB ခန့်

-       Attachment မပါတဲ့ email အစောင် 100 လောက် လက်ခံတာ/ပို့တာအတွက် 2.5 MB ခန့်

-       Attachment ပါတဲ့ email 10 စောင်လောက် လက်ခံတာ/ပို့တာအတွက် 18 MB ခန့်

-       Web pages 100 လောက် browsing လုပ်ဖို့အတွက် 20 MB ခန့်

-       Google maps ကို 10 mins လောက် ဝင်ကြည့်ယင် 6 MB ခန့်

Video streaming

Data usage ဘယ်လောက်သုံးမလဲ ဆိုတာ video အမျိုးအစားအပေါ် မူတည်ပါတယ်။ အကြမ်းဖျင်းအားဖြင့်တော့ Youtube က 4 mins စာလောက်ရှိတဲ့ video file ကို ဖွင့်ကြည့်ယင် data usage 11 MB လောက် သုံးမှာဖြစ်ပြီး static image နဲ့ song file ဖွင့်နားထောင်မယ် ဆိုယင်တော့ 7 MB လောက် သုံးမှာ ဖြစ်ပါတယ်။

Radio streaming

Radio apps တွေဟာ data intensive app အမျိုးအစားတွေဖြစ်ပြီး ပုံမှန် သတ်မှတ်ချက်တွေ အရတော့ 1 min ကို 1.5 MB လောက် သုံးပါတယ်။

Google maps

ပုံမှန်ကတော့ 10 mins ကို 6 MB data usage လောက် ရှိပါတယ်။ ဒါပေမယ့် အသုံးပြုတဲ့ gepgraphic area, zooming, layer toggling တွေပေါ်မှာ မူတည်ပြီး data usage ပမာဏ အပြောင်းအလဲ ရှိနိုင်ပါတယ်။

Facebook

ဖေ့စ်ဘုတ်ကို ပုံမှန်အသုံးပြုတာမျိုး အတွက် (ဓာတ်ပုံတွေ၊ link တွေ ဝင်ကြည့်တာ အပါအဝင်) 15 mins ကို 5 MB လောက် data usage သုံးပါတယ်။ ဒါပေမယ့် ကိုယ်နှိပ်လိုက်တဲ့ link က streaming site တွေ ဖြစ်နေခဲ့ယင်တော့ data usage က အပြောင်းအလဲ ရှိနိုင်ပါတယ်။

Email

ပုံမှန် email ပို့တာ၊ ဖတ်တာတွေအတွက် email အစောင် ၁၀၀ ကို 2.5 MB လောက် သုံးပါတယ်။ Attachment တွေ ပါယင်တော့ data usage က တိုးလာမှာပါ။

Apps and games

Applications နဲ့ games တွေ အတွက်ကတော့ ပုံသေသတ်မှတ်ချက် မရှိပါဘူး။ ဒါပေမယ့် သတိထားဖို့ လိုတာက အချို့ applications တွေနဲ့ games တွေဟာ ဖွင့်ထားပြီး အသုံးပြု မနေယင်တောင်မှ နောက်ကွယ်မှာ background services တွေက ဆက်အလုပ်လုပ်နေပြီး data usage တွေ ရှိနေနိုင်ပါတယ်။

Music

Data usage ဟာ music track တွေရဲ့ length နဲ့ quality အပေါ်မှာ မူတည်ပါတယ်။ ပုံမှန်အားဖြင့်တော့ music track တစ်ခုအတွက် data usage 5 MB လောက် ရှိပါတယ်။

Standard web pages

အခြေခံအားဖြင့်တော့ text အများစုသာ ပါဝင်တဲ့ web page တစ်ခုကို browsing လုပ်ဖို့အတွက် အကြမ်းဖျင်း 0.1 MB လောက် data usage ရှိပါတယ်။ ဒါပေမယ့် ပုံတွေများနေမယ် ဒါမှမဟုတ် flash animation တွေ ပါနေခဲ့မယ် ဆိုယင်တော့ data usage ပိုများလာနိုင်ပါတယ်။

Skype

Skype အတွက် typical data usage တွေကတော့

Skype ကနေ skype ကို ရိုးရိုးပဲ ခေါ်မယ်ဆိုယင် 1 min ကို 3 MB ခန့်

Skype ကနေ ကြိုးဖုန်း (သို့) ဟန်းဖုန်းကို ခေါ်မယ်ဆိုယင် 1 min ကို 1 MB ခန့်

Skype ကနေ skype ကို video calling ခေါ်မယ်ဆိုယင် 500 kbps ခန့်

Skype ကနေ ဟန်းဖုန်း (သို့) ကွန်ပျူတာကို ကို video calling ခေါ်မယ်ဆိုယင် 600 kbps ခန့်

Viber

Viber ခေါ်ဆိုမှုအတွက် data usage ကတော့ 240 kb per min ဖြစ်ပြီး 1 hr ကို 14 MB လောက် ရှိပါတယ်။ Message ပို့မယ်ဆိုယင်တော့ 828 bytes per 500 English characters ဖြစ်ပါတယ်။

Ph Internet သုံးစွဲခကို ဒီဇင်ဘာလမှစ၍ Volume နဲ့ပြောင်းလဲကောက်ခံမည့် ယာယီဈေးနှုန်း

(မြန်မာ့ဆက်သွယ်ရေးမှ လျာထားဈေးနှုန်း)

100 Kb (2 ကျပ်)

1 MB  (20 ကျပ်)

100 MB  (1500 – 1800 ကျပ်)

Credits to Sun Thurain Moe 

http://myanmarplay.com/?p=3908 မှ ကူးယူဖေါ်ပြပါသည်။

မိုဘိုင်းဖုန်းတွေကနေ အင်တာနက် ဆက်သွယ်မှုတွေကို data usage နဲ့ ကောက်ခံတော့မယ်ဆိုတော့ အသုံးပြုကြတဲ့သူတွေ အနေနဲ့ ကိုယ်ဘာတွေကို သုံးနေပြီး ဘယ်လောက် ကုန်ကျနိုင်တယ်ဆိုတာကို အကြမ်းဖျင်းလောက်တော့ သိထားကြဖို့ လိုပါတယ်။

မိုဘိုင်းဖုန်းနှင့် ပတ်သက်၍ ပြည်သူ့အသံ သိရှိနိုင်ရန် ကွင်းဆင်း စစ်တမ်းကောက်ယူ


မိုဘိုင်းဖုန်းနှင့် ပတ်သက်၍ ပြည်သူ့အသံ သိရှိနိုင်ရန် ကွင်းဆင်း စစ်တမ်းကောက်ယူ

ရန်ကုန် ၊ ၁၁-၄-၂၀၁၃

MMRD ( Myanmar Marketing Research and Development Co., Ltd ) မှ ကုမ္ပဏီ ၀န်ထမ်း များသည် ပြည်သူများ မိုဘိုင်းဖုန်း အသုံးပြုမှု အခြေအနေ များအား သိရှိနိုင်ရန် ဧပြီလ အတွင်း ရန်ကုန် ၊ မန္တလေး ၊ နေပြည်တော် ၊ ပဲခူး ၊ ပုသိမ် ၊ မကွေး ၊ မော်လမြိုင် နှင့် တောင်ကြီး အစရှိသော မြို့များတွင် သုတေသနပြု စစ်တမ်း ကောက်ယူလျက် ရှိကြောင်း သိရသည်။ ဧပြီလ ၉ ရက်နေ့ နံနက်ပိုင်းက ပဲခူးတိုင်း ဒေသကြီး အတွင်းရှိ နန်းတော်ရာ ၊ ကျွန်းသာယာ ၊ ဥဿခွန် ၊ မြို့တွင်းကြီး ၊ ရွာသစ် ဘုရားကြီး ၊ ပေါက်တော ၊ သာယာကုန်း ကျေးရွာများရှိ မိုဘိုင်းဖုန်း အသုံးပြု နေသူများ နှင့် အသုံးမပြု ဖြစ်သေးသော သူများနှင့် တွေ့ဆုံ၍ ၄င်းတို့၏ ထင်မြင်ချက် ၊ ယူဆချက် ၊ လိုအပ်ချက် ၊ အခက်အခဲ နှင့် အကြံပေးချက် များအား မေးမြန်းပြီး စစ်တမ်း ကောက်ယူလျက် ရှိကြောင်း သိရှိရသည်။
MMRD ( Myanmar Marketing Research and Development Co., Ltd ) မှ ကုမ္ပဏီ ၀န်ထမ်း များသည် ပြည်သူများ မိုဘိုင်းဖုန်း အသုံးပြုမှု အခြေအနေ များအား သိရှိနိုင်ရန် ဧပြီလ အတွင်း ရန်ကုန် ၊ မန္တလေး ၊ နေပြည်တော် ၊ ပဲခူး ၊ ပုသိမ် ၊ မကွေး ၊ မော်လမြိုင် နှင့် တောင်ကြီး အစရှိသော မြို့များတွင်

သင်္ကြန်တွင်မဖွယ်မရာပြုမူ၊ ဝတ်ဆင်က ထောင်ဒဏ်အထိ အရေးယူမည်

သင်္ကြန်တွင်မဖွယ်မရာပြုမူ၊ ဝတ်ဆင်က ထောင်ဒဏ်အထိ အရေးယူမည်
...................................................................................

မြန်မာ့ရိုးရာသင်္ကြန်ရေ ကစားရာ တွင် မြန်မာ့ယဉ်ကျေးမှုနှင့် ဆန့်ကျင်သည့် ဝတ်စားဆင်ယင်ခြင်း၊ မဖွယ်မရာပြုမူခြင်းများ တွေ့ရှိပါက ပြစ်မှုပုဒ်မ၂၉၀/၂၉၄ အရ အရေးယူမည်ဟု မန္တလေးတိုင်း ဒေသကြီး ရဲတပ်ဖွဲ့က ကြေညာချက် ထုတ်ပြန်ထားသည်။

မြန်မာ့ယဉ်ကျေးမှုနှင့် ဆန့်ကျင်သည့် ဝတ်စားဆင်ယင်ခြင်း၊ မဖွယ်မရာပြုမူခြင်းများ တွေ့ရှိပါက ပြစ်မှုပုဒ်မ ၂၉၀ အရ ဒဏ် ငွေ ၂၀၀ ကျပ်၊ ပုဒ်မ ၂၉၄ အရ ထောင်ဒဏ်သုံးလဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးကို ဖြစ်စေ ချမှတ်နိုင်ကြောင်း ပြစ်မှုဆိုင်ရာ ဥပဒေစာအုပ်တွင် ဖော်ပြပါရှိသည်။
သင်္ကြန်ရေပက် ကစားရာတွင် မြန်မာ အမျိုးသမီးများ ဝတ်စားဆင်ယင်မှုပိုင်းတွင် လွန်ကျူးလာသည် ကို တွေ့မြင်ရကြောင်း ဒေသခံအချို့က သုံးသပ်ပြောကြားသည်။

"အရင်နှစ်တွေ ကတည်းက လွန်လွန်ကျူးကျူး ဝတ်စားထားရင် ပြန်လဲခိုင်းတယ်။ ပြန်လဲခိုင်းလို့ မရရင် လက်မှတ်ခကို ပြန်အမ်းပေးလိုက်တယ်။ ဒီနှစ်လည်း အဲဒီလိုပဲ လုပ်မှာပါ" ဟု ဒိုမီနိုရေကစားမဏ္ဍပ် တာဝန်ရှိသူ တစ်ဦးက ပြောဆိုသည်။

သင်္ကြန်ကာလအတွင်း မြန်မာအမျိုးသမီးများ အနေနှင့် ခေတ်မီမီ လုံလုံ ခြုံခြုံ ဝတ်စားဆင်ယင် သင့်ကြောင်း အသက် ၃၀ အရွယ် ဒေသခံအမျိုးသား တစ်ဦးက ပြောကြားသည်။
"ကျွန်တော်တို့အနေနဲ့တော့ စည်းကမ်းချက် ထုတ်ထားတာမျိုးတော့ မရှိပါဘူး။သိပ်ပြီး ဟော့ဟော့ရမ်းရမ်း မဖြစ်တာမျိုး ဆိုရင် ဝတ်လို့ရပါတယ်" ဟု Maritime ရေကစားမဏ္ဍပ် တာဝန်ရှိသူတစ်ဦးက ပြောဆိုသည်။

သင်္ကြန်ကာလ နီးကပ်လာပြီဖြစ် သဖြင့် အခပေး ရေကစားမဏ္ဍပ် အများဆုံး ရှိသည့် မန္တလေးကျုံးပတ်လည်တွင် ညဦးပိုင်းကာလ၌ မဏ္ဍပ်ချင်းအပြိုင်အဆိုင် ကြော်ငြာနေသည် ကိုလည်း တွေ့ရသည်။
"ကျွန်တော်တို့ ခုချိန်ထိတော့ ဘာစည်းကမ်းမှ မထုတ်ရသေးဘူး။ ဒါပေမဲ့ ကြိုက်တာဝတ်လို့ ရပါတယ်" ဟု Festival 9.9 ရေကစားမဏ္ဍပ်မှ တာဝန်ရှိသူတစ်ဦးက ဆိုသည်။

အခပေးမဏ္ဍပ်တွင် ရေကစားလိုသူများ အနေဖြင့် သင်္ကြန်လေးရက် ကာလပတ်လုံး နှစ်သောင်းကျပ်မှ ငါးသောင်းကျပ် အထိ ဈေးရှိကြောင်း ဈေးကွက်အတွင်း စုံစမ်းသိရှိရသည်။ မြန်မာ့ရိုးရာသင်္ကြန်ရေ ကစားရာ တွင် မြန်မာ့ယဉ်ကျေးမှုနှင့် ဆန့်ကျင်သည့် ဝတ်စားဆင်ယင်ခြင်း၊ မဖွယ်မရာပြုမူခြင်း များ တွေ့ရှိ ပါက ပြစ်မှုပုဒ်မ၂၉၀/၂၉၄ အရ အရေးယူမည်ဟု မန္တလေး တိုင်း ဒေသကြီး ရဲတပ်ဖွဲ့က ကြေညာချက် ထုတ်ပြန်ထားသည်။
မြန်မာ့ယဉ်ကျေးမှုနှင့် ဆန့်ကျင်သည့် ဝတ်စားဆင်ယင်ခြင်း၊ မဖွယ် မရာပြုမူခြင်းများ တွေ့ရှိပါက ပြစ်မှုပုဒ်မ ၂၉၀ အရ ဒဏ် ငွေ ၂၀၀

တောင်သူလယ်သမား အကျိုးစီးပွား ကာကွယ်သည့် ဥပဒေ အချိန်မီ မပြဋ္ဌာန်းနိုင်ပါက နိုင်ငံတည်ငြိမ်အေးချမ်းမှု မရှိနိုင်ဟု ပြည်သူ့လွှတ်တော်ဥက္ကဋ္ဌ သူရ ဦးရွှေမန်းပြောကြား

w1-11-4-4
တောင်သူလယ်သမား အကျိုးစီးပွား ကာကွယ်သည့် ဥပဒေအား အချိန်မီ ပြဋ္ဌာန်းနိုင်ရေး ဆွေးနွေးပြောကြားနေ သည့်
ပြည်သူ့လွှတ်တော်ဥက္ကဋ္ဌ သူရဦးရွှေမန်းအား ဧပြီလ ၁၀ရက်က တွေ့မြင်ရစဉ်
တောင်သူလယ်သမား အကျိုးစီးပွား ကာကွယ်သည့် ဥပဒေအား အချိန်မီ မပြဋ္ဌာန်းနိုင် ပါက နိုင်ငံ တည်ငြိမ်အေးချမ်းမှု မရှိနိုင်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့သည်။
အဆိုပါ ပြောကြားချက်အား ဧပြီလ ၁၀ရက်နေ့က ရန်ကုန်မြို့ရှိ ကုန်သည်စက်မှု အသင်းချုပ် ရုံးတွင် တောင်သူလယ်သမားများ၏ အကျိုးစီးပွားကို ကာကွယ်စောင့်ရှောက်သည့် ဥပဒေရေးဆွဲ ညှိနှိုင်းရေးအစည်းအဝေးတွင် ပြောကြားခဲ့ခြင်းဖြစ်သည်။

စမတ်ဖုန်း ကိုင်သူများ သတိထားရန် မှန်ကွဲခြင်း ပြဿနာ

စမတ်ဖုန်း ကိုင်သူများ သတိထားရန် မှန်ကွဲခြင်း ပြဿနာSamsung ဖုန်းကိုပဲ မဟုတ်ပါဘူး။ Gorilla Glass လို့ခေါ်တဲ့ ဖန်သား မျက်နှာပြင်သုံး စမတ်ဖုန်းတိုင်း သတိထားဖို့ ဖြစ်ပါတယ်။
ဒါဆို ယနေ့ခေတ် ဖုန်းတော်တော် များများပါပဲ။ iPhone တောင် ပါပါတယ်။

သင်္ကြန်တွင်း လုံခြုံရေးသတိရှိ


၂၀၁၂ ခုနှစ် ရန်ကုန်သင်္ကြန်

 ဒီသီတင်းပတ်ကုန်မှာ ကျရောက်မယ့် သင်္ကြန်ပွဲတော်အတွက် ကြိုတင်ပြင်ဆင်မှုတွေ ပြီးစီးလုနီးပါး ရှိနေ သလို၊ ရန်ကုန်၊ မန္တလေးစတဲ့ မြို့ကြီးတွေမှာ ဆိုရင်လည်း မဏ္ဍပ်တွေ ဆောက်လုပ်ပြီး ရေကစားမယ့် သူတွေအတွက် လက်မှတ်တွေလည်း ကြိုတင်ရောင်းချ နေကြတာဖြစ်ပါတယ်။ တချိန်တည်းမှာပဲ မကြာသေးခင် လတွေအတွင်း မတည်မငြိမ် အခြေအနေတွေ ပေါ်ပေါက်ခဲ့တဲ့ ရန်ကုန်မြို့မှာတော့ လုံခြုံရေး အစီအမံတွေကိုလည်း အာဏာပိုင်တွေက ဆောင်ရွက်နေတဲ့အကြောင်း သင်္ကြန်ပွဲတော် အတွက် ပြင်ဆင်နေတဲ့ လူရွှင်တော်အရိုင်း ကပြောပါတယ်။

ဖေ့စ်ဘုတ်ကို အသုံးချကာ မိခင်ရင်းကို ရှာဖွေနေတယ်ဆိုတဲ့ မိန်းကလေး

အင်တာနက် လူမှု ကွန်ရက်ကို မိခင်မေတ္တာ ငတ်မွတ်နေတဲ့ သမီးငယ်တဦးက မှန်ကန်စွာ အသုံးချ လာတာ ကို သတိထားမိ လိုက်တယ်။ 

မိခင်ပျောက် ရှာနေတယ်ဆိုတဲ့ သဲသဲသော်၊ ဓာတ်ပုံ- သဲသဲသော်

ငယ်စဉ် မွေးကင်းစ ကလေးငယ်ဘ၀ကတည်းက တနင်္သာရီတိုင်း မြိတ်မြို့မှာ မွေးစားမိခင်၊ ဖခင်တွေနဲ့သာ ကြီးပြင်းခဲ့ရပြီး မိခင်အရင်း ရှိတယ် ဆိုတဲ့ အသိသာ ရှိပြီး မိခင်ကို မြင်လည်း မမြင်ဘူးခဲ့တဲ့ သမီးငယ်တဦး ရဲ့ မိခင်ပျောက် ရှာပုံတော် ဖွင့်ခန်းဟာ ဖတ်ရသူတိုင်း ရင်နင့် နေကြပြီး မိခင်နဲ့ အမြန်ဆုံး ပြန်တွေ့ပါစေလို့ ဆုတောင်းပေးနေကြပါတယ်။ 

တရားလို ဂေါပကကို ဝန်ကြီး ဖျောင်းဖျရခက်နေ


 အင်းလေးကန် ဖောင်တော်ဦးဘုရားမှ ဈေးသည်အမျိုးသမီး ၇ ဦး အချုပ်ကျ တရားစွဲခံနေရမှုကို ကျေအေးပေးရန် ရှမ်းပြည်နယ်အစိုးရ အဖွဲ့ဝန်ကြီးတဦး၏ တောင်းဆိုမှုကို ဘုရားဂေါပကအဖွဲ့က  ပယ်ချလိုက်သည်။

"ကိုယ့်ကိုယ်ကို သတ်သေခြင်းနဲ့ အဖန်ငါးရာ ငါးကမ္ဘာ"

"ကိုယ့်ကိုယ်ကို သတ်သေခြင်းနဲ့ အဖန်ငါးရာ ငါးကမ္ဘာ"
••••••••••••••••••••••••••••••••••••••••••••••
ဗုဒ္ဓဘာသာ မြန်မာအများရဲ့ လွဲနေတတ်တဲ့ အလွဲတွေအကြောင်း စာတွေရေးပေးနေတာသိတော့ ဒကာတစ်ယောက်က
 “အရှင်ဘုရား တပည့်တော်တို့ မြန်မာတွေမှာ ကိုယ့်ကိုယ်ကို 
သတ်သေရင် အဖန်ငါးရာ ငါးကမ္ဘာမှာ အဲဒီလိုပဲ သတ်သေပြီး သေရတယ်ဆိုတာ ဟုတ်ပါသလားဘုရား၊ ဟုတ်တယ်ဆိုရင် 
တပည့်တော် ဖတ်ဖူးတဲ့ စာအုပ်ထဲမှာ ရဟန်းတစ်ပါးဟာ ကိုယ့်လည်ပင်းကိုကိုယ် ဓားနဲ့လှီးပြီး သတ်သေသွားပေမယ့် 
အဲဒီအခိုက်မှာ ရဟန္တာ ဖြစ်သွားတယ်လို့လည်း ဖတ်ဖူးပါတယ်၊ ရဟန္တာဖြစ်သွားရင် နောင်ဘဝ မရှိတော့ဘူး မဟုတ်လားဘုရား၊ 
ဒါဆိုရင် ဒီအဖန်ငါးရာ ငါးကမ္ဘာခံရတဲ့ကိစ္စ တပည့်တော် ဘယ်လိုနားလည်ရမလဲ ဘုရား”လို့ မေးဖူးပါတယ်။
ဟုတ်ပါတယ်။ ဒီဒကာပြောမှပဲ ဘုန်းဘုန်းအတွေးထဲမှာ 
ဒီအဖန်ငါးရာငါးကမ္ဘာ ကိစ္စနဲ့ ပတ်သက်ပြီး လွဲနေတဲ့
မြန်မာတွေရဲ့ အလွဲကို တင်ပြပေးဖို့ စိတ်ကူးရခဲ့တာ ဖြစ်ပါတယ်။ ဒါကြောင့်လည်း ကိုယ့်ကိုယ်ကို သတ်သေခြင်းနဲ့ အဖန်ငါးရာငါးကမ္ဘာအကြောင်းကို လွဲနေတတ်တဲ့ 
အလွဲတစ်ခုအဖြစ် အခုလို တင်ပြဖြစ်တာ ဖြစ်ပါတယ်။

တကယ်တော့ အဲဒီလို ကိုယ့်ကိုယ်ကို သတ်သေရင်
 နောင်ဘဝတွေမှာလည်း ဘဝပေါင်းငါးရာ တိုင်အောင် အခုလိုပဲ သတ်ပြီးသေရတယ်ဆိုတဲ့ အယူအဆဟာ အတော်ကိုလွဲနေတဲ့ 
အယူအဆ ဖြစ်ပါတယ်။ 

♠  ဘုရားဟောမဟုတ်သလို ကျမ်းဂန်မှာပါတဲ့ အချက်လည်း မဟုတ်ပါဘူး။ ပိဋကတ်တော်မှာလာတဲ့ ဇာတ်တော်တစ်ခုတော့ ရှိပါတယ်။ 
အဲဒီဇာတ်တော်က "ဧကနိပါတ် ၊ မတကဘတ္တဇာတ်" ဖြစ်ပါတယ်။ ဒီဇာတ်တော်မှာ ဒိသာပါမောက္ခ ဆရာကြီးတစ်ဦးဟာ သေသူကို ရည်စူးပြီး ဆိတ်တစ်ကောင်းကို သတ်ဖို့ရေချိုးပေးချိန်မှာ အဲဒီဆိတ်ဟာ တစ်ပြိုင်တည်းမှာ ရယ်လည်းရယ်ပြီး ငိုလည်းငိုတယ်လို့ ဆိုပါတယ်။

 ဒါနဲ့ ဆရာကြီးက ဘာကြောင့်ရယ်လည်းရယ်၊ ငိုလည်းငိုတာလဲလို့
 မေးတော့ ဆိတ်က “ကျွန်ုပ်လည်း အတိတ်ဘတစ်ခုမှာ 
အခုဆရာကြီးလိုပဲ ဆိတ်တစ်ကောင်ကို လည်ဖြတ်သတ်ခဲ့မိလို့ အဲဒီအကုသိုလ်ဝဋ်ကျွေးဟာ ဒီဘဝအထိ ဘဝပေါင်း
(၄၉၉)ဘဝတိုင်တိုင် လည်ဖြတ်အသတ်ခံခဲ့ရကြောင်း၊ 
ဒီလိုဝဋ်ကျွေးကို နောက်တစ်ဘပဲ ခံပြီးရင် ကုန်ဆုံးတော့မှာ ဖြစ်တာကိုတွေးပြီး ဝမ်းသာလို့ ရယ်ခြင်းဖြစ်ကြောင်းနဲ့၊ 
ငိုတာကတော့ အခုအကျွန်ုပ်ကို သတ်မယ့်ဆရာကြီးလည်း 
ကျွန်ုပ်လိုပဲ ဘဝပေါင်းငါးရာ အသတ်ခံရတော့မှာပါလားလို့ တွေးပြီး စိတ်မကောင်းဖြစ်မိတဲ့အတွက် ငိုခြင်းဖြစ်ကြောင်း”
 ပြောကြားလိုက်ပါတယ်။ 

 ♠ ဒီတော့မှ ဆရာကြီးဟာ ကြောက်လန့်ပြီး ဆိတ်ကိုမသတ်တော့ဘဲ လွှတ်လိုက်ပါတယ်။ ဒါပေမယ့် အကုသိုလ်ဝဋ်ကျွေးရှိတဲ့ ဆိတ်ဟာတစ်နေရာမှာ မိုးကြိုးထိလွင့်လာတဲ့ ကျောက်ချက်ထိပြီး လည်ပင်းပြတ်ကာ သေသွားခဲ့ရပါတယ်။ ဝဋ်ကျွေးပါလာတော့ တစ်ဦးမသတ်လည်း တစ်ခုခုနဲ့ သေသွားရတဲ့ သဘောပဲ ဖြစ်ပါတယ်။

ဒီဇာတ်တော်လာ အကြောင်းအရာကိုကြည့်ရင် ဆိတ်ဟာအတိတ်ဘဝ လူဖြစ်စဉ်က ဆိတ်တစ်ကောင်ကို သတ်ခဲ့မိတဲ့ ဝဋ်ကျွေးကြောင့် ဘဝပေါင်းငါးရာတိုင်အောင် အသတ်ခံပြီး သေခဲ့ရတဲ့အဖြစ်ကို တွေ့ရမှာဖြစ်ပါတယ်။ ဒါဟာ ကိုယ့်ကိုယ်ကို သတ်သေလို့ အဖန်ငါးရာ၊ ဘဝငါးရာ ခံရတာ မဟုတ်ဘဲ သူများကို သတ်မိတဲ့ အကုသိုလ် ဝဋ်ကျွေးကြောင့် ဘဝပေါင်းများစွာ အသတ်ခံရတဲ့ ဇာတ်တော်လာ အကြောင်းအရာပဲ ဖြစ်ပါတယ်။ ဒီဇာတ်တော်လာ အကြောင်းကို နားစွန်နားဖျား ကြားမိရာက ကိုယ့်ကိုယ်ကို သတ်သေရင် အဖန်ငါးရာ ငါးကမ္ဘာ ခံရတယ်ဆိုပြီး မြန်မာများ အမှတ်လွဲနေတာ ဖြစ်ကောင်းဖြစ်နိုင်ပါတယ်။ သေချာတာကတော့ ကိုယ့်ကိုယ်ကို သတ်သေတဲ့အတွက် အဖန်ငါးရာ ငါးကမ္ဘာအထိ အဲဒီလို ထပ်တူသတ်သေရမယ်ဆိုတဲ့ အယူအဆဟာ လွဲနေတယ်ဆိုတာ အသေအချာပဲ ဖြစ်ပါတယ်။

ဒီလိုပြောတော့ ကိုယ့်ကိုယ်ကို သတ်သေတာ အဖန်းငါးရာ ငါးကမ္ဘာ ခံရတာမဟုတ်ဘူးဆိုပြီး စိတ်ညစ်ညစ်နဲ့ ကိုယ့်ကိုယ်သတ်သေတာလည်း မလုပ်မိကြဖို့ လိုပါတယ်။ လူအတော်များများက မဟုတ်တာဆို သိပ်ပြီးအတုယူတတ်တာ ဆိုတော့ သူများသတ်သေတာတွေကြည့်ပြီး ကိုယ့်ကိုယ်သတ်သေမိမှာစိုးလို့ ပြောရတာပါ။ သေချာစဉ်းစားရမှာက အဲဒီလို စိတ်ညစ်လို့ ကိုယ့်ကိုယ်ကို သတ်သေတဲ့ သူတစ်ယောက်ရဲ့ သေခါနီး စိတ်အစဉ်ဟာ ဘယ်လိုမှ ကောင်းတဲ့စိတ်အတွေး မဖြစ်နိုင်တဲ့အတွက် ဒီစိတ်နဲ့ကိုယ့်ကိုယ်ကို အဆုံးစီရင်လိုက်မယ်ဆိုရင် ကောင်းတဲ့ဘုံဘဝမှာ ဖြစ်ဖို့ဆိုတာ မလွယ်လှပါဘူး။ သေခါနီးမှာဖြစ်တဲ့ စိတ်အစဉ်ဟာ နောက်ဘဝမှာ အရင်အကျိုးပေးတာ ဖြစ်တဲ့အတွက် သေခါနီးစိတ်အစဉ်ဟာ အထူးသတိပြုရမယ့် အချက်ဖြစ်ပါတယ်။

ဒီတော့ကား သတ်သေမှုနဲ့ ပတ်သက်ပြီး ကိုယ့်ကိုယ်ကို သတ်သေတာနဲ့ သူတပါးကို သတ်လိုက်တာမှာ ကိုယ့်ကိုယ်ကို သတ်သေတဲ့အတွက် 
ဘဝငါးရာ အဖန်ငါးရာ အဲဒီလိုပဲ သတ်ပြီးသေရတယ်ဆိုတာ အခြေအမြစ်မရှိတဲ့ စကားပြစ်ကြောင်းနဲ့၊ သူတပါးကို ကိုယ်ကသတ်တာဆိုရင်တော့ သတ်တဲ့စိတ်စေတနာအတိုင်း ဒီအကုသိုလ်ဝဋ်ကျွေးကို ပြန်လည် ပေးဆပ်ရတတ်ပြီး 
အကုသိုလ်အပြစ် သိပ်ကြီးရင် ဘဝပေါင်း ငါးရာအထိတောင် ခံရတတ်ကြောင်း သတိပြုကြရမှာ ဖြစ်ပါတယ်။

♠ ကိုယ့်ကိုယ်ကို သတ်သေမှုအပိုင်းမှာလည်း ခန္ဓာကိုယ်ရဲ့ 
အပြစ်ကိုမြင်ပြီး ခန္ဓာကိုယ်ကို ငြီးငွေ့လို့ သတ်လိုက်တဲ့ 
အပိုင်းမှာ အပြစ်မရှိပေမယ့် ဒေါသအလျောက် သတ်မိရင်တော့ အပြစ်ဖြစ်တတ်ပါတယ်။ အပြစ်ဖြစ်တတ်တယ်ဆိုတာ 
ခုနပြောသလို သေခါနီး စိတ်အစဉ်ဟာ မကောင်းနိုင်တဲ့အတွက် သေပြီးနောက် အပါယ်ဘုံဘဝတွေအထိ ရောက်စေနိုင်တာဖြစ်လို့ အပြစ်ဖြစ်တတ်တယ်လို့ ဆိုခြင်းဖြစ်ပါတယ်။ ဗုဒ္ဓလက်ထက်က ဝဂ္ဂလိ အမည်ရှိတဲ့ မထေရ်တစ်ပါးဟာ ခန္ဓာကိုယ်ကိုငြီးငွေ့ပြီး ခန္ဓာကိုယ်ရဲ့ အပြစ်ကိုမြင်တဲ့အတွက် ကိုယ့်လည်ပင်းကိုကိုယ် ဓားနဲ့ဖြတ်ပြီး သတ်ခဲ့တယ်လို့ ဆိုပါတယ်။ ဒါပေမယ့် အဲဒီမထေရ်ဟာ ဒီအခိုက်မှာ ဝေဒနာကို ရှုလိုက်တဲ့အတွက် ရဟန္တာဖြစ်သွားတယ်လို့ ခန္ဓဝဂ္ဂသံယုတ် ပါဠိတော် (၄၉)မှာ ဖော်ပြပါရှိပါတယ်။ ဒါကိုကြည့်ခြင်းအားဖြင့် ခန္ဓာကိုယ်ရဲ့ အပြစ်ကိုမြင်ပြီး ကိုယ့်ကိုယ်ကို သတ်သေတဲ့အပိုင်းမှာ ဒီလိုသတ်သေလိုက်တဲ့အတွက် အဖန်ငါးရာ ငါးကမ္ဘာ ခံစရာမရှိတော့ဘူးဆိုတာ သတိပြုနိုင်မှာ ဖြစ်ပါတယ်။

 ♠ ဆိုလိုတာက မြန်မာအများ အမှတ်မှားနေကြတဲ့ ကိုယ့်ကိုယ်ကို 
သတ်သေရင် အဖန်ငါးရာ ငါးကမ္ဘာ အဲဒီလိုပဲ သေရတယ်ဆိုတဲ့ အယူအဆဟာ လွဲနေတဲ့ အယူအဆဖြစ်ကြောင်း၊ ကိုယ့်ကိုယ်ကို သတ်တဲ့ကံမဟုတ်ဘဲ သူများကို သတ်ခဲ့တဲ့ ပါဏာတိပါတ ကံမျိုးကသာ ကိုယ်လုပ်ခဲ့တဲ့ အကုသိုလ်ကံ အကြီးအသေးကိုလိုက်ပြီး တစ်ခါတစ်လေ ဘဝပေါင်းငါးရာအထိ ပြန်လည် အသတ်ခံရတတ်ကြောင်း ဆိုလိုတာ ဖြစ်ပါတယ်။ ကိုယ့်ကိုယ်ကို သတ်သေတဲ့အပိုင်းမှာ ပါဏာတိပါတကံ မမြောက်တဲ့အတွက် ပါဏာတိပါတကံကို ကျူးလွန်တဲ့အပြစ်အတိုင်း ပြန်ခံရတာတွေ မရှိပေမယ့် လောကဓံကို မခံနိုင်လို့ ကိုယ့်ကိုယ်ကို သတ်သေတဲ့ သူတစ်ယောက်ဟာ အသေမကောင်းတဲ့အတွက် 
ဘဝကူးလည်း မကောင်းနိုင်တာဖြစ်လို့ ဒီလိုနည်းနဲ့ ကိုယ့်ကိုယ်သတ်သေတာလည်း လွဲနေတဲ့အလွဲတစ်ခု ဖြစ်ကြောင်း သိစေချင်တာ ဖြစ်ပါတယ်။

 ♠ ဒါကြောင့် လွဲနေကြတဲ့ အလွဲတွေထဲမှာ ကိုယ့်ကိုယ်ကို 
သတ်သေရင် အဖန်ငါးရာ ငါးကမ္ဘာအဲဒီလိုပဲ သတ်သေရတတ်တယ်
ဆိုတဲ့ မြန်မာတွေရဲ့ အခြေအမြစ်မရှိတဲ့ အလွဲဟာလည်း နည်းနည်းလေးမဟုတ် အများကြီးကို လွဲနေတဲ့ အလွဲတစ်ခုသာ ဖြစ်တဲ့အတွက် ဒီလိုအလွဲမျိုးကို အစဉ်အဆက် အရိုးစွဲနေအောင် 
မလွဲမိကြဖို့နဲ့ တကယ်သတ်ချင်ရင် ကိုယ့်သန္တာန်မှာ ရှိနေတဲ့ 
"ကိလေသာတွေ" ကိုသာ အပြီးသတ်နိုင်အောင် ကြိုးစားကြဖို့ အသိပေးတိုက်တွန်းရင်း လွဲနေတတ်တဲ့ အလွဲတစ်ခုအဖြစ် 
အသိဝင်ကာ ပြုပြင်နိုင်ဖို့ စေတနာထား မေတ္တာအားဖြင့် 
အသိစကား ပါးလိုက်ရပါတယ်။

စာရေးသူ = မနာပဒါယီ အရှင်ဝိစိတ္တ(ဒိုက်ဦး)

----------------------*----------------------
_/|\_ ခပ်သိမ်းသော ရဟန်း၊ ရှင်၊ လူ၊ နတ်၊ ဗြဟ္မာ၊
သတ္တဝါ အားလုံး ဘေးရန် ကြောင့်ကြ ဆင်းရဲကင်း၍
ကိုယ်, စိတ်နှစ်ဖြာကျန်းမာ, ချမ်းသာကြပါစေ ။
လူအချင်းချင်း လှည့်ပတ်ခြင်း၊ ကင်းရှင်းကြပါစေ၊… _/|\_

ဗုဒ္ဓဘာသာ မြန်မာအများရဲ့ လွဲနေတတ်တဲ့အလွဲတွေအကြောင်း စာတွေရေးပေးနေတာသိတော့ ဒကာ တစ်ယောက်က“အရှင်ဘုရား တပည့်တော်တို့ မြန်မာတွေမှာ ကိုယ့်ကိုယ်ကိုသတ်သေရင် အဖန်ငါးရာ ငါးကမ္ဘာမှာ အဲဒီလိုပဲသတ်သေပြီး သေရတယ်ဆိုတာ ဟုတ်ပါသလားဘုရား၊ ဟုတ်တယ်ဆိုရင် တပည့်တော်ဖတ်ဖူးတဲ့ စာအုပ်ထဲမှာ ရဟန်းတစ်ပါးဟာ ကိုယ့်လည်ပင်းကိုကိုယ် ဓားနဲ့လှီးပြီး သတ်သေ သွားပေမယ့် အဲဒီအခိုက်မှာ ရဟန္တာ ဖြစ်သွားတယ်လို့လည်း ဖတ်ဖူးပါတယ်၊ ရဟန္တာဖြစ် သွားရင် နောင် ဘဝမရှိတော့ဘူး မဟုတ်လားဘုရား၊ဒါဆိုရင် ဒီအဖန်ငါးရာ ငါးကမ္ဘာခံရတဲ့ကိစ္စ တပည့်တော် ဘယ်လို နားလည်ရမလဲ ဘုရား”လို့ မေးဖူးပါတယ်။

အစိုးရနှင့် KIO မြစ်ကြီးနားဆွေးနွေးပွဲ တရုတ်ကြောင့် ရွှေ့ဆိုင်းထားရ ဟု ကချင်အဖွဲ့များ ဆို

အစိုးရနှင့် KIO မြစ်ကြီးနားဆွေးနွေးပွဲ တရုတ်ကြောင့် ရွှေ့ဆိုင်းထားရ ဟု ကချင်အဖွဲ့များ ဆို
ဗုဒ္ဓဟူးနေ့၊ ဧပြီလ 10 ရက် 2013 ခုနှစ်  သတင်း - ကချင်သတင်းဌာန

ဧပြီလ (၆) ရက်နေ့ မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) တို့  မြစ်ကြီးနားမြို့၌ တွေ့ဆုံမည့်အစီအစဉ် ပျက်ပြားမှုသည် တရုတ်အစိုးရကန့်ကွက် ခြင်းကြောင့် ရက်ရွှေ့ဆိုင်းလိုက်ရသည်ဟု ကချင်အဖွဲ့အစည်းများ ပြောသည်။

ရွှေ့လိုက်ရခြင်း၏ အကြောင်းရင်းမှာ တွေ့ဆုံမှုတွင် ကုလသမဂ္ဂနှင့် ဗြိတိန်နိုင်ငံ၊ အမေရိန်ကန်နိုင်ငံများ ပါဝင်ဆွေးနွေးမည်ကို မလိုလားသောကြောင့် တရုတ်အစိုးရအနေဖြင့် ဆွေးနွေးပွဲတွင် ဆက်လက် ပါဝင်နိုင်မည်မဟုတ်ကြောင်းနှင့် တရုတ်အစိုးရမ ပါဝင်ပဲ ပြုလုပ်မည်ဆိုပါကလည်း ကန့်ကွက်မည်ဖြစ်ကြောင်း ပြောဆိုခဲ့သည်ဟု လူထုအခြေပြုအဖွဲ့အစည်းက ထုတ်ပြန်ကြေငြာချက်တွင် ပြောဆိုခဲ့သည်။

မြန်မာပြည်၏ စစ်မှန်သော ပြည်တွင်းငြိမ်းချမ်းရေးပေါ်ပေါက်လာရေးအတွက် ငြိမ်းချမ်းရေး ဆွေးနွေးမှုတွင် တရုတ်အစိုးရအနေနှင့် ပါဝင်လာသည်ကို ကြိုဆိုသော်လည်း တရုတ်အစိုးရ၏ဟန့်တားမှုများ၊ အပြုအမူများသည် မျော်လင့်ချက်မဲ့စေသည့် လုပ်ဆောင်ချက်များသာဖြစ်သည်ဟု ကချင်လူထုအခြေပြုအဖွဲ့ အစည်း (၁၃) ဖွဲ့မှ သဘောထားများ ထုတ်ပြန်လိုက်ခြင်းဖြစ်သည်။

ငြိမ်းချမ်းရေးဆွေးနွေးမှုအတွက် နှောင့်နှေးမှုဖြစ်စေသည့်အပေါ် ကန့်ကွက်ကြောင်း ရန်ကုန်အခြေစိုက် ကချင်ငြိမ်းချမ်းရေးကွန်ယက် (Kachin Peace Network) မှ ညှိနှိုင်းရေးမှူး တဦးဖြစ်သူ မ လဘန် ခေါန်ဂျာ (Labang Hkawn Ja) KNG ကချင်သတင်းဌာန သို့ပြောသည်။

"တရုတ်အစိုးရက သူတို့ဘက်က စကားဝင်ပြောဖို့ခွင့်မရှိဘူး။ သူတို့က ဘာဖြစ်တယ်ဆိုတာ ကြားဝင်လူကြီးလိုကြည့်သွားဖို့ပဲ။ ဆုံးဖြတ်ချက်မှာ သူတို့ပါစရာမလိုဘူး။ သူတို့နဲ့ဆွေးနွေးဖို့လည်း မရှိဘူး။ ကျမတို့ရဲ့ နိုင်ငံရေးကို ကျမတို့နိုင်ငံအတွင်း လူကိုယ်တိုင် ဆွေးနွေးဆုံးဖြတ်ရမယ်။ တရုတ်ဆုံးဖြတ်ပေးတာကို မရချင်ဘူး။ တရုတ်သာမက တခြားဘယ်နိုင်ငံမဆိုပေါ့။ သက်သေ ပါပေးဖို့ပဲနှစ်သက်တယ်။ ၁၉၅၄ နှစ်ကနေ မြန်မာနိုင်ငံကို ကြားနေနိုင်ငံ ၀င်ရောက်စွပ်ဖက်မှုမရှိကြေးဆို နေပြီး ဒီတစ်ခေါက်က တရားဝင်စကားပြောတာလာတယ်။ အခုလို နိုင်ငံအတွင်း ငြိမ်းချမ်းရေးဆွေးနွေးပွဲကို နောက်ဆုတ်ခိုင်းတယ်ဆိုတာ ကျမတို့ဘက်က လက်မခံနိုင်ဘူး"

အဆိုပါ တွေ့ဆုံဆွေးနွေးရေးကိစ္စဖြစ်မြောက်ရန် ကချင်လွတ်မြောက်ရေးအဖွဲ့ (KIO) မှ “ပြည်ထောင်စု ငြိမ်းချမ်းရေးဖော်ဆောင်ရေးလုပ်ငန်း ကော်မတီက တာဝန်ယူပြီး ကုလသမဂ္ဂ၊ အင်္ဂလန်နှင့် အမေရိကန်ပြည်ထောင်စုတို့မှ တာဝန်ရှိသော ပုဂ္ဂိုလ်များ ဆွေးနွေးပွဲတွင်ပါဝင် တက်ရောက်နိုင်ရေး ဖိတ်ခေါ်ရန်နှင့် ထိုကိုယ်စားလှယ်များ ပါဝင်တက်ရောက်နိုင်ပါက ဆွေးနွေးပွဲအား ပြည်တွင်းတွင် ကျင်းပလိုပါကြောင်း” ဒုတိယဥက္ကဋ္ဌ ဦးအောင်မင်းထံသို့ စာဖြင့်ပေးပို့ခဲ့သည်။

ဝန်ကြီးဦးအောင်မင်းထံမှလည်း KIO မှ ညှိနှိုင်းတင်ပြလာသည်ကို သဘောတူခဲ့ပြီး အစည်းအဝေးကို ပြည်တွင်းတွင် ပြုလုပ်ရန် ရက်သတ်မှတ်ခဲ့ကာ ဧပြီလ (၁၀) နေ့မတိုင်မီ ပြန်လည် ကျင်းပရန်သဘောတူထားသည့်အတိုင်း ဧပြီ (၆) ရက်နေ့တွင် ကချင်ပြည်နယ်၊ မြစ်ကြီးနားမြို့ မနောကွင်း  မဂျွယ်ခန်းမဆောင် (Majoi Gawknu) တွင် ကျင်းပရန်သဘောတူ စီစဉ်ခဲ့သည်ဟု မြစ်ကြီးနား ကချင်အဖွဲ့အစည်းများပြောသည်။

အဆိုပါ ရက်ရွှေ့ဆိုင်းလိုက်ခြင်းနှင့်ပတ်သက်၍ တရုတ်ဖက်ကလည်း ၄င်းတို့ကန့်ကွက်မှုကြောင့် ဆွေးနွေးပွဲရွှေ့ ဆိုင်း လိုက်သည်ဟု ပြောဆိုမှုကို ငြင်းဆိုထားပြီး “ထောက်ပံ့ပို့ဆောင်ရေး ကိစ္စတွင် ပြဿနာရှိနေသောကြောင့်သာ ဖြစ်သည်” ဟု ရန်ကုန်မြို့ရှိ တရုတ်သံရုံးက ထုတ်ပြန်ကြေငြာခဲ့သည်။

ထို့အပြင်  မြန်မာငြိမ်းချမ်းရေးစင်တာ (Myanmar Peace Center) နှင့် တခြားသတင်းရင်းမြစ်တွေအရသင်္ကြန်အပြီး ဆွေးနွေးပွဲ ပြန်စနိုင်မည်ဟုသိရကြောင်း ရန်ကုန်မြို့ တရုတ်သံရုံး၏ ကြေညာချက်တွင် ပြောဆိုထားသည်။

ထို့ကြောင့် အစိုးရနှင့် KIO ကြား ဆွေးနွေးပွဲကို ဧပြီလ ၂၂ နောက်ပိုင်းတွင် ပြန်လည်တွေ့ဆုံနိုင်ရန်ရှိပြီးကုလသမဂ္ဂ နှင့် ဗြိတိန်နိုင်ငံ၊ အမေရိန်ကန်ပြည်ထောင်စုနိုင်ငံများပါဝင်ကာ ပြည်တွင်းတွင်သာ ဆက်လက်ကျင်းပသွားမည်ဖြစ် ကြောင်း မြစ်ကြီးနား ကချင်အဖွဲ့အစည်းမှသိရှိရသည်။

ဧပြီလ (၆) ရက်နေ့ မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) တို့ မြစ်ကြီးနားမြို့၌ တွေ့ဆုံ မည့်အစီအစဉ် ပျက်ပြားမှုသည် တရုတ်အစိုးရကန့်ကွက် ခြင်းကြောင့် ရက်ရွှေ့ဆိုင်းလိုက်ရသည်ဟု ကချင်အဖွဲ့အစည်းများ ပြောသည်။

ဗိုလ်တထောင်မြို့နယ် ၄၈ လမ်းဗလီ မီးလောင်မှုနှင့် ပတ်သက်၍ စုံစမ်းစစ်ဆေးရေး ကော်မရှင်၏ စစ်ဆေးတွေ့ရှိမှု အစီရင်ခံစာထုတ်ပြန်၊ စစ်ဆေးမှုများအရ ဗလီဆရာနှစ်ဦး၏ ပေါ့လျော့အားနည်းမှုကြောင့်သာ မီးလောင်မှု ဖြစ်ပွားကာ လူ ၁၃ ဦးသေဆုံးခဲ့ရ၍ ၎င်းတို့အား ဥပဒေနှင့်အညီ အရေးယူသွားမည်


Balifiringcommitteexplain-april10
၄၈ လမ်းဗလီ မီးလောင်မှုနှင့် ပတ်သက်၍ စုံစမ်းစစ်ဆေးရေးကော်မရှင်၏ အစီရင်ခံစာအား ရန်ကုန်တိုင်းဒေသကြီး အစိုးရအဖွဲ့ အတွင်းရေမှူး ဦးခင်မောင်သိန်းက ဖတ်ကြားရှင်းလင်းခဲ့စဉ်
ရန်ကုန်တိုင်းဒေသကြီး၊ ဗိုလ်တထောင်မြို့နယ် ၄၈ လမ်းရှိ ဗလီတစ်ခု ဧပြီလ ၂ ရက်နေ့ နံနက် ၂ နာရီ ၄၅ မိနစ်အချိန်တွင် မီးလောင်မှု ဖြစ်ပွားခဲ့ရာ ယင်းမီးလောင်မှုနှင့် ပတ်သက်၍ အဖြစ်မှန်ဖော်ထုတ်ရေး ဖွဲ့စည်းထားသော စုံစမ်းစစ်ဆေးရေး ကော်မရှင်၏ အစီရင်ခံစာကို ဧပြီလ ၁၀ ရက်နေ့တွင် ရန်ကုန် တိုင်းဒေသကြီး အစိုးရအဖွဲ့ရုံးတွင် ပြုလုပ်ခဲ့သော ရန်ကုန်တိုင်းဒေသကြီး ၀န်ကြီးချုပ်က သတင်းမီဒီယာ များ တွေ့ဆုံရှင်းလင်းပွဲတွင် ထုတ်ပြန်ခဲ့သည်။