အခမ်းအနားတွင် ယာဉ်အန္တရာယ်ကင်းရှင်းလျော့ပါးစေရေး၊ လုံခြုံရေးစနစ် စည်းကမ်းထိန်းသိမ်းရေး စနစ်နည်း ပညာနှင့် ဆက်စပ်ပစ္စည်းများ တပ်ဆင်အသုံးပြုဝန်ဆောင်မှု လုပ်ငန်းများကို b smart Co.,Ltd. မှ ဦးအောင်ညီညီမော်က ရှင်းလင်း ပြသသည်။ b smart vehicle Safety Management System သည် GPS ကို အသုံးပြု၍ ဂြိုဟ်တု နှင့်ချိတ်ဆက်ပြီး GSM, GPRS Network တို့ပေါင်းစပ်၍ မော်တော် ယာဉ် အမြန်နှုန်း၊ ရောက်ရှိ တည် နေရာ၊ အချိန်စသည့် အချက်အလက် များကို တိကျစွာသိရှိနိုင်ခြင်း၊ ယာဉ် မတော်တဆမှုများကို ပြန်လည်သုံး သပ်နိုင်ခြင်း၊ အရေးပေါ်အခြေအနေ ကို သတိပေးနိုင်ခြင်း၊ ယာဉ်မောင်း၏ မူမမှန်သော (အိပ်ငိုက်ခြင်း) အခြေ အနေမှ ဖြစ်ပေါ်လာနိုင်သော ယာဉ် မတော်တဆမှုကို အသေးစိတ်သိရှိ နိုင်ခြင်း အချက်အလက်များကို မြေပုံ နှင့်တကွ Google map, Google Earth မှ အတိအကျမှတ်တမ်းတင် ခြင်းများ ပြုလုပ်နိုင်မည်ဖြစ်သည်။
ရန်ကုန်-မန္တလေး အမြန်လမ်းအနေနှင့် ၂၀၁၄ ဧပြီလတွင် ယာဉ်မတော်တဆမှု ၆၀၊ သေဆုံးသူ ၃၃ဦး၊ ဒဏ်ရာရရှိသူ ၁၃၉ဦး၊ မေလတွင်ယာဉ်မတော်တဆမှု ၄၀၊ သေဆုံးသူ၂၃ ဦး၊ ဒဏ်ရာရရှိသူ ၉၂ ဦးနှင့်ဇွန် ၂၃ ရက်အထိ ယာဉ်မတော်တဆမှု ၁၉ မှု၊ သေဆုံးသူ နှစ်ဦး၊ဒဏ်ရာရရှိသူ ၁၆ ဦးထိ တဖြည်းဖြည်း ယာဉ်မတော် တဆမှု နည်းလာကြောင်း တွေ့ရသည်။
ထိုကဲ့သို့ ယာဉ်မတော်တဆမှု လျော့နည်းစေရေး၊ အမြန်လမ်း သုံးခရီးသွားပြည်သူများ လုံခြုံ စိတ်ချစွာ ခရီးသွား လာနိုင်ရေး အတွက် နေပြည်တော် အမြန်လမ်းရဲတပ်ဖွဲ့မှူးစခန်း၏ ကွပ်ကဲမှုနှင့်အတူ ရန်ကုန်-မန္တလေး အမြန်လမ်း ရဲတပ်ဖွဲ့စခန်း အသီးသီးမှ တာဝန်ရှိသူများ၊ အဖွဲ့များသည် နေ့စဉ် နေ့/ည အလှည့်ကျ လှည့်ကင်းပတ်ကင်းများ အရှိန်အဟုန်မြှင့်တင်ဆောင်ရွက်လျက်ရှိကြောင်း သိရသည်။
အမြန်လမ်းမကြီး အသုံးပြုမည့်မော်တော်ယာဉ် များကိုလည်း နေ့စဉ် တာဝန်ရှိအဖွဲ့များက မော်တော် ယာဉ်ကြံ့ ခိုင်မှု၊ ယာဉ်မောင်းလိုင်စင်နှင့် ယာဉ်လိုင်စင်များ၊ မီးသတ်ဆေးဘူးများ၊ ကားတာယာများ၊ Express များပေါ်တွင် ခရီးသည်များအတွက်အရေးပေါ် ထွက်ပေါက်များနှင့်အသုံးပြုပုံများ၊ ကားများတွင် ပါရှိရမည့် ခါးပတ်၊ ပုဆိန်များ ဆောင်ထားခြင်း ရှိမရှိများကို သတ်မှတ် စစ်ဆေး ရေးဂိတ်များတွင် ဆက်လက် စစ်ဆေး သွားမည်ဖြစ်ကြောင်း သိရသည်။
MOI Webportal Myanmar
No comments:
Post a Comment