Saturday, June 6, 2015

အစိုးရကို ဆန္ဒပြချင်သည်

မေလ ၃၁ ရက်မှ စတင်ကာအစိုးရကို ဆန္ဒပြချင်စိတ်များကိန်းအောင်းနေသည်။ အထူးသဖြင့်တော့ စည်ပင်သာယာဌာနကို ဖြစ်သည်။ကိုယ်က အစိုးရသတ်မှတ်ထားသော ဆန္ဒပြခွင့်ပုဒ်မ ၁၈ တွေ၊ ဘာညာ သာရကာထွေလီ ကာလီသတ်မှတ်ချက်တွေကိုတော့ဖြင့် နားမလည်လှ။ မိမိလိုက်ပါချင်သော ဆန္ဒပြပွဲများကို လိုက်ပါခဲ့ဖူးသော်လည်း ကိုယ်တိုင်ဦးမဆောင်ခဲ့ဖူး။ ထို့ကြောင့် ခွင့်ပြုချက်မည် သို့ တင်ပြတောင်းခံရမည်လည်း မသိ။ သို့သော် ယမန်နေ့ကစ၍ စိတ်ထဲမှာ ကလိ ကလိ တရိရိဖြင့်ဆန္ဒပြချင်နေသည်ကိုသာ သိ သည်။
စည်ပင်သာယာကို ဆန္ဒပြ ချင်ရသည့် အကြောင်းက ဒီလို ရှင့်။ ရန်ကုန်မြို့တော်စည်ပင် သာရေးကော်မတီ၏ သုံးလတစ် ကြိမ်ကောက်ခံသော အခွန်ပြေ စာတွင် သန့်ရှင်းရေးဆောင်ရွက်ခ ဟူ၍ တစ်လလျှင် ၆၀၀ ကျပ်နှုန်း ဖြင့် သုံးလတစ်ကြိမ် ၁,၈၀၀ ကျပ် နှုန်း ဆောင်ခဲ့ရသည်မှာ ကြာခဲ့ပြီ။ ကျွန်မသည် အညာကျေးလက်မှ ကျေးတောသူ တစ်ဦးဖြစ်သော် လည်း ရန်ကုန်မြို့တော်ကြီးမှာ အိုးပိုင်အိမ်ပိုင်ဖြင့်နေထိုင်လာခဲ့ သည်မှာလည်း နှစ်ပေါင်းလေး ဆယ်ရှိခဲ့ပြီ။ ထို့ကြောင့် ရန်ကုန် မြို့တော်၏ အခွန်အခကောက်ခံ ပုံ၊ ကောက်ခံနည်း၊ တိုးမြှင့် ကောက်ခံလာပုံတွေကို မသိမရှိ သိရှိသည်။ ထို့နည်းအတူ ၀န် ဆောင်မှုပေးခဲ့ပုံတွေကိုလည်း အ မှတ်မထင် မဖြစ်ခဲ့။
၁၉၇၃ ရန်ကုန်မြို့တော်သို့ စတင်ပြောင်းရွှေ့ နေထိုင်စဉ်မှစ၍ စည်ပင်သာယာ၏ သန့်ရှင်းရေးဆောင်ရွက်ခ အခွန်အကောက်သည် သုံးလတစ်ကြိမ် ဘိုးဘွားပိုင်မြေ၊ ဂရန် မြေ၊ ကွာတားမြေ၊ စကွာတားမြေ၊ ပါမစ်မြေ၊ ကျူးကျော်မြေများအခွန်ကောက်ခံချိန်မှာတစ်ပါတည်း ပူးတွဲပါလာတတ်သည်။ ယခုအချိန် ကာလတွင်ထိုအခွန်ပြေစာ၌ သန့်ရှင်းရေးဆောင်ရွက်ခဟူ၍ ၁,၈၀၀ ကျပ် ကျသင့်သည်။ အစဉ်အလာအရမူ ထိုမြေခွန်ပြေစာအမှတ်၊စာရင်းအမှတ်နှင့်အတူ ကောက်ခံသော သန့်ရှင်းရေးဆောင်ရွက်ခသည် ရန်ကုန်စည်ပင်သာယာရေး နယ်နိမိတ်တွင် နေထိုင်စဉ် သန့်ရှင်းရေးဆောင် ရွက်ခအတွက် အပြီးအစီးကောက်ခံခဲ့ခြင်းဟု နားလည်သည်။ဘယ်အချိန်၊ ဘယ်ကာလကမှ လည်း အခြားပြေစာတစ်မျိုးမျိုးဖြင့် သီးခြားထပ်မံကောက်ခံခဲ့ခြင်း မရှိခဲ့။
သို့သော် လွန်ခဲ့သော ငါးနှစ် ခန့်မှ စတင်၍ စည်ပင်သာယာ ဌာနမှပင် ၀န်ထမ်းတစ်ဦး သီးသန့် ထားရှိပြီး အိမ်ပေါက်စေ့၊ အခန်း ပေါက်စေ့သို့လည်၍ သန့်ရှင်းရေး ဆောင်ရွက်ခဟူ၍ ခေါင်းစဉ်တပ် သော အခွန်ကိုကောက်ခံခဲ့ပြန် သည်။ ရန်ကုန်မြို့တော်၊ စည်ပင် သာယာဌာန၏ အမှတ်အသားပါ အခွန်ပြေစာဖြင့် မဟုတ်။ ဖြစ်က တတ်ဆန်းပြေစာ စာရွက်တစ် ရွက်ဖြင့် ကောက်ခံခြင်း ဖြစ် သည်။
ထိုသို့ စတင်ကောက်ခံစဉ် က ကျွန်မသည် လာရောက် ကောက်ခံသော စည်ပင်ဝန်ထမ်းကို ‘‘သန့်ရှင်းရေး ဆောင်ရွက်ခဆိုပြီး မြေခွန်နဲ့အတူ ပုံမှန်ဆောင်နေတာ ပဲ။ ဘယ်နှစ်ထပ်ကောက်နေဦးမှာ လဲ’’ဟု မေးမြန်းခဲ့သည်။ ထိုအခါ စည်ပင်ဝန်ထမ်း အမျိုးသမီးက သူလည်း မသိဘူး။ အထက်က ကောက်ခိုင်း၍ ကောက်ခံရသည် ဟုဆို၏။ ထိုသို့ကောက်ခံခြင်းမှာ ယခင်အစဉ်အလာ မရှိခဲ့သော နားလှည့်ပါးရိုက်သော သန့်ရှင်းရေးဆောင်ရွက်ခကို အခွန်နှစ်ထပ် ကောက်ခံမှုဟု နားလည်သည်။ ထိုကောက်ခံမှုသည် အစိုးရ၏ ပုံမှန်ဘတ်ဂျက်စာရင်းထဲသို့ပင် ၀င်၏၊ မ၀င်၏ ပြည်သူများသိခွင့် မရှိ။
ယခုတော့ ထိုအခွန်နှစ်ထပ် ကို Upgrade တစ်မျိုးဖြင့် တစ် ဆင့်တိုးမြင့်ဦးမည်ဟု ဆိုပြန် သည်။ မေလ ၃၁ ရက်က ကျွန်မ ၏ နေအိမ်သို့ ရပ်ကွက်လူကြီးများ ရောက်ရှိလာခဲ့သည်။ သူတို့က ပြည်သူလူထု၏ သဘောထား အဆိုပြုလွှာဟု အမည်ပေးထား သော စာရွက်တစ်ရွက်ကို ပေး သည်။ ပြီးတော့ ‘‘ဟောဒီစာရွက် မှာ ပါရှိတဲ့ ကုမ္ပဏီက အမှိုက်သိမ်း တဲ့ ၀န်ဆောင်မှုကိုပေးမယ်။ သန့် ရှင်းရေဆောင်ရွက်ခ လစဉ် ၆၀၀ ကျပ်မှ ၁,၆၀၀ ကျပ်အထိ တိုးမြှင့် ကောက်ခံတာကို သဘောတူ၊ မတူ အဆိုပြုပေးပါ’’ ဟု ဆို၏။
ကျွန်မပြောချင်သည်။ တကယ်တော့ မူလကပင် ရန်ကုန် မြို့တော်စည်ပင်သာယာ၏ လုပ် ထုံးလုပ်နည်းမှ ကွဲလွဲပြီး ဒုတိယ မြောက် ထပ်ဆင့်ကောက်ခံသော သန့်ရှင်းရေး ဆောင်ရွက်ခ ကောက်ခံမှုကို သဘောမတူခဲ့။ အစိုးရနှင့် အလုပ်လုပ်ရသည်ကို ပြည်သူတစ်ဦးအနေဖြင့် တစ်ဦး တစ်ယောက်တည်း ဖောက်ထွက်ပြီး အရစ်တွေ၊ အတွန့်တွေ မလုပ်ချင်၍သာ ပေးဆောင်နေရသည်။ အဓိပ္ပာယ်မရှိဟုသာ ထင်သည်။ ကျွန်မနည်းတူပင် အခြား အခြား ပြည်သူအများကလည်း အစိုးရ ၀န်ထမ်းဝတ်စုံဖြင့် အခွန်လာ ကောက်သည်ဆိုလျှင် လုပ်ထုံး လုပ်နည်းမှန်၏၊ မှား၏၊ မစစ် ဆေးဘဲ စကားနည်းရန်စဲ ပေး ဆောင်လိုက်ကြသည်သာ။
ယခုတော့ဖြင့် လစဉ်ပေး ဆောင်နေရသည့် သန့်ရှင်းရေး ဆောင်ရွက်ခကို တစ်ဆင့်တိုး၍ ကုမ္ပဏီကိုထိုးအပ်ကာ ၁,၆၀၀ ကျပ်အထိ တိုးမြှင့်ပေးဆောင်ခိုင်း ရန် ကြံစည်နေပြန်ပြီ။ သဘောတူ၊ မတူ အဆိုပြုလွှာကို ကောက်ခံ သော ရပ်ကွက်လူကြီးများအား ‘‘ဟုတ်ပြီ။ ကုမ္ပဏီကိုအပ်မယ်။ ငွေကြေးလည်း တိုးကောက်မယ်။ ကုမ္ပဏီက ဘယ်လိုဝန်ဆောင်မှု တွေ ပေးမှာလဲ။ ဟိုရှေးရှေးခေတ် ကျွန်မတို့ငယ်စဉ်က မြို့တော်စည်ပင်သာယာက မြေခွန်နဲ့အတူကောက်ခံခဲ့တဲ့ သန့်ရှင်းရေး ဆောင်ရွက်ခနဲ့တင် ပြီးခဲ့တယ် နော်။ အဲဒီအချိန်တုန်းက အိမ်ရှေ့ လည်း သန့်ရှင်းတယ်။ အိမ် နောက်ဖေးလမ်းကြားလည်း သန့် ရှင်းတယ်။ အခု မသန့်ရှင်းဘူး။ အမှိုက်တွေ ဗရပွဖြစ်နေတယ်။ အခွန်တွေသာ နည်းလမ်းစုံနဲ့ ကောက်ခံနေတယ်။ ၀န်ဆောင်မှု က လျော့ကျသွားတယ်။ အခုကိစ္စ မှာ ကျွန်မတို့ ပြည်သူလူထုက သဘောတူ၊ မတူ ဆုံးဖြတ်နိုင် အောင် ကုမ္ပဏီက ဘယ်လိုဝန် ဆောင်မှုတွေကို လုပ်ဆောင်ပေး မှာလဲ ပြောပြပေးပါ’’ဟု တောင်း ဆိုမိသည်။
ရပ်ကွက်လူကြီးများက တော့ ‘‘ထူးခြားပြီး မလုပ်ဘူး။ လက်ရှိ လမ်းထိပ်မှာ ချထားတဲ့ အမှိုက်ပုံးတွေ သိမ်းတာပဲ လုပ် မယ်ပြောတယ်’’ ဟု ဆိုသည်။ ဒုက္ခော။ ၀န်ဆောင်မှုမှာ အတူ တူ။ ထူးခြားပြီး မသန့်ရှင်းလာဘဲ လစဉ်ကျပ် ၁,၀၀၀၊ တစ်နှစ်မှာ ကျပ် ၁၂,၀၀၀ တိုးပေးရမည်ဆိုပါလား။ ဒါကို သဘောတူ၊ မတူဆိုသည်ကို မေးမှ မေးတတ်ပလေ ဟုသာ သြချလိုက်ချင်သည်။ သို့ နှင့် ကျွန်မသည် ‘‘အိမ်ရှေ့၊ အိမ် နောက်ဖေးလမ်းကြားသန့်ရှင်း ရေးကို အပြည့်အ၀ ၀န်ဆောင်မှု ပေးမည်ဆိုပါက သဘောတူပါ သည်။ သို့မဟုတ်ပါက သဘော မတူနိုင်ပါ’’ဟုသာ အဆိုပြုလွှာ တွင် ရေးသားပေးလိုက်သည်။
အစိုးရလုပ်နေပုံကား အခြား ကိစ္စများကို မဆိုထားနှင့်။ နိုင်ငံ အတွင်းရှိ မြို့တော်ကြီးများ၏သန့် ရှင်းရေးကိစ္စမှာပင် အပေါ်ယံမှာ ရွှေမှုန်ကြဲအထဲမှာတော့ နွားချေးခံဆိုသလို လုပ်နေခြင်းက စိတ်ကသိ ကအောက်ဖြစ်လှသည်။ ပြည်သူ က ပေးဆောင်ရမည့် အခွန်အ ကောက်ကိုမူ အမျိုးမျိုးအထွေ ထွေ၊ နှစ်ထပ်၊ သုံးထပ်ခေါင်းစဉ် တပ်၍ ကောက်ခံချင်သည်။ ကောက်ခံနေသည်။ ဝန်ဆောင်မှုကိုတော့ ကောင်းမွန်အောင် မစဉ်း စား။
ယခု သန့်ရှင်းရေးကိစ္စမှာပင် အစိုးရစည်ပင်သာယာဌာန၏ ကိုင်တွယ်ပုံမှာ ပုဂ္ဂလိကကုမ္ပဏီ ကို ထိုးအပ်ချိန်မှာလည်း နောက် ဖေးလမ်းကြားများသန့်ရှင်းမှုအ တွက် အစီအစဉ်မပါ။ ပြည်သူလူ ထုအပေါ်မှာ လှည့်ပတ်ညာဝါး အခွန်ကို စားနေသလောက် တာ ဝန်ခံမှုအတွက် တွေးခေါ်စဉ်းစား ရာမှာ ချို့တဲ့လွန်းလှသည်။
မကြာမီက ဆက်သွယ်ရေး တယ်လီဖုန်းခွန်ကို ကောက်ခံရန် ကြံစည်မှုမှာလည်း ဆက်သွယ် ရေးလိုင်းများက အော်ချင်သ လောက်အော် ခေါ်လို့မှမကြား။ ဆင်းမ်ကတ်အမျိုးမျိုးအကြားမှာ ဗျာများနေရဆဲ ပြည်သူထံမှ အခွန်ဖြတ်တောက်ကောက်ခံရန် ကြံ ရွယ်ခဲ့သည်။ ဝန်ဆောင်မှုကို ပထ မဦးစားပေးကြိုးစားပြီးလျှင် ပြည် သူများဘက်ကလည်း အခွန်အကောက်ဆိုသည်မှာ ပေးသင့်လျှင် ပေးရတတ်သည်ကို မသိမရှိ။ သိရှိကြသည်သာ။
မုန့်ဟင်းခါးဆိုင်လေးစား၍ ကောင်းသည်။ စွဲငြိသွားပြီးလျှင် ဈေးတိုးတောင်းလည်း ရနိုင် သည်။ အလှပြင်ဆိုင်လေးတစ် ဆိုင် လှအောင်ပြင်တတ်သည်။ ဈေးတိုးတောင်းလျှင် လှချင်သည် မို့ ပေးကြမည်။ ကျူရှင်ဆရာ စာ သင်ကောင်းသည်၊ ကုန်ဈေးနှုန်း တက်လျှင် ဆရာသမားပညာခ တိုးတောင်းလျှင် တိုးပေးရမည်။ ယုတ်စွအဆုံး ဗေဒင်ဆရာများပင် မှန်အောင်သာဟော ဈေးမပြော ဘူးဆိုသည်မှာ ပြည်သူ့သဘာဝ စိတ်ထားပင်။ ပြည့်စုံကောင်းမွန် သော ဝန်ဆောင်မှုက ပထမလာ ပါစေ။ အခွန်ပေးရန် မနှမြော။ ဝန် ဆောင်မှုကောင်းကောင်းက ဘယ် မှာ နေမှန်းအသိခင် အခွန်ကို အ ပြေးလာကောက်၊ တိုးကောက် ခြင်းကို မည်သူကမှ မသဒ္ဓါ၊ ကြည်ဖြူရှိမည်မထင်ပါ။
တစ်လက်စတည်း ပြောလို သည်။ ၁၉၈၈ ခု မတိုင်ခင်ကာလ များက မြန်မာပြည်တစ်ဝန်းလုံး တွင် မည်သည့်မြို့သို့သွားသွား၊ မြို့အဝင် ဂိတ်ကြေးကောက်ခံ သည်ဟုမရှိခဲ့။ ယခုတော့ မြို့တော်ကြီးများမှာသာမက မြို့ငယ်က လေးတိုင်းမှာလည်း ဂိတ်ကြေးကိုယ်စီနှင့်ဖြစ်နေသည်။ ယခင် စစ်အစိုးရလက်ထက်က မြို့နယ်တစ်ခုချင်းစီမှာ ခန့်ထားသည့် မဝတ၊ ခ၀တ၊တဝတ အုပ်ချုပ်ရေးမှူး စစ်ဗိုလ်များ မြို့ရန်ပုံငွေဟု အကြောင်းပြကာ ကောက်ခံခွင့် ပေးထားသည်ဟု နားလည်သည်။ စစ်အာဏာရှင်ဦးနေဝင်း၏ မြန်မာ့ဆိုရှယ်လစ်လမ်းစဉ်အောက်မှာ အစိုးရမွဲသွားသဖြင့် ၁၉၈၈ လူထုဆန္ဒပြပွဲများအပြီး တစ်မြို့နယ် ချင်းစီကို မြို့ဝင်ကြေးများကို ကောက်ခံသုံးစွဲစေခဲ့သည် ထင်ပါသည်။ ယခုတော့ဖြင့် တစ်မြို့ဖြတ် လျှင် တစ်ခါ။ မြို့မှန်သမျှ လိုလိုမှာ မြို့အဝင်ဂိတ်ကြေးသည် နှိပ်စက် လွန်းလှသည်။
မေးလိုက်ရဦးမည်။ လက်ရှိ အစိုးရကို။ အစိုးရကြီးကိုပါ။ တိုင်း ပြည်၏သယံဇာတလည်း ကုန်လုပြီ။ သစ်တောတွေလည်း ကုန်ခဲ့ပြီအစိုးရက မချမ်းသာသေးဘူး လား။ တိုင်းသူပြည်သားထံကနေ ရသမျှကို ညှစ်ထုတ်ဆဲလား။ ကျွန်မကတော့ စစ်အစိုးရလက်ကျန် လက်ရှိအစိုးရ၏မည်သည့် လွှတ်တော်မှာမှ အတည်ပြုပြဋ္ဌာန်းထား ခြင်းမရှိသော ဝန်ဆောင်မှုကောင်း မှာ ဗလာ။ ကြံကြံဖန်ဖန် နှစ်ထပ်ဆလံ။ တိုးပြီးရင်းတိုး အခွန် အမျိုးမျိုးကို ပြန်လည်စစ်ဆေး သုံးသပ်ကြရန် ဆန္ဒပြချင်သည်။
မယ်ငွေဥ
7 day

တပ်ချုပ်ပါဝင်လှူဒါန်းသည့် ကြေးသွန်းခေါင်းလောင်းကြီးကို ထားဝယ် ရွှေတောင်စားစေတီတွင် ရေစက်ချလှူဒါန်း

တပ်မတော်ကာကွယ် ရေးဦးစီးချုပ်ဗိုလ်ချုပ်မှူးကြီးမင်း အောင်လှိုင်ပါဝင်လှူဒါန်းခဲ့သည့် ကြေးပိဿချိန်တစ်သောင်းကျော် ရှိ မဟာခေါင်းလောင်းကြီးကို ထားဝယ်မြို့ ရွှေတောင်စားစေတီ တော်၌ ထားရှိရန် ရေစက်ချလှူ ဒါန်းခဲ့ပြီး တပ်မတော်ကာကွယ် ရေးဦးစီးချုပ်အပါအ၀င် တပ်မ တော်(ကြည်း၊ရေ၊လေ)မိသားစု များနှင့် စေတနာရှင် အလှူရှင် များက စုစုပေါင်းကျပ်သိန်းသုံးရာ ကျော်လှူဒါန်းခဲ့ကြောင်း သတင်း ရရှိသည်။
မဟာဝိဇယခေမသီတလနိ ဗ္ဗုတဃောသမဟာခေါင်းလောင်း တော်ကြီး ရေစက်ချလှူဒါန်း ပူဇော်ခြင်းအခမ်းအနားကို ဇွန်လ ၄ရက်တွင်ကျင်းပခဲ့ပြီး စုစုပေါင်းအလှူငွေကျပ်သိန်း ၃၂၀လှူဒါန်းခဲ့ ခြင်းဖြစ်သည်။

ဘင်္ဂလားဒေ့ရ်ှနိုင်ငံသားနှစ်ရာကျော်ကို လူကုန်ကူးသည့် ထိုင်းလူမျိုးအား စတင်စစ်ဆေး


ဘင်္ဂလားဒေ့ရ်ှနိုင်ငံသား နှစ်ရာကျော်ကို လူကုန်ကူးခဲ့သည့် ထိုင်းနိုင်ငံသားအပါအဝင် လူငါး ဦးကို ဖမ်းဆီးစစ်ဆေးနေကြောင်း မြန်မာနိုင်ငံရဲတပ်ဖွဲ့ဌာနချုပ်မှ သတင်းရရှိသည်။
မောင်တောမြို့နှင့် ထိစပ်နေ သည့် မြန်မာ့ပင်လယ်ပြင်တွင် ဖမ်းမိခဲ့သော ဘင်္ဂလားဒေ့ရ်ှနိုင်ငံ သားများနှင့် ပတ်သက်၍ လူကုန် ကူးသူ အဓိကတရားခံ ထိုင်းအမျိုး သားတစ်ဦးကို မေလ ၂၉ ရက်၌ ရန်ကုန်မြို့တွင် ရဲတပ်ဖွဲ့က ဖမ်း ဆီးခဲ့သည်။ ထို့နောက် ၎င်းနှင့် ဆက်နွှယ်သူ အမျိုးသားသုံးဦးနှင့် အမျိုးသမီးတစ်ဦးကို ထပ်မံဖမ်း ဆီးခဲ့ခြင်းဖြစ်ကြောင်း မြန်မာနိုင်ငံ ရဲတပ်ဖွဲ့ဌာနချုပ် မှုခင်းရဲတပ်ဖွဲ့မှ ရဲအရာရှိတစ်ဦးကပြောသည်။

ဖေ့စ်ဘွတ်ခ်သုံး၍ ခိုက်ရန်ဖြစ်ပွားပါက ကျောင်းထုတ်မည်ဟုဆို


ဗိုလ်တထောင်မြို့နယ်ရှိ အမှတ်(၅) အခြေခံပညာအထက် တန်းကျောင်းတွင် ဖေ့စ်ဘွတ်ခ်လူ မှုကွန်ရက်အသုံးပြုပြီး ခိုက်ရန်ဖြစ် ပွားသော ကျောင်းသား၊ ကျောင်း သူများကို ကျောင်းမှ ထုတ်ပယ်သည်အထိ အရေးယူမည် ဖြစ် ကြောင်း သတင်းထွက်ပေါ်နေ သည်။
အထက(၅) ဗိုလ်တထောင် ကျောင်းတွင် ကျောင်းသားများ ဖေ့စ်ဘွတ်ခ်သုံး၍ ရန်ဖြစ်ပါက ကျောင်းကထုတ်ပယ်မည့် စည်း ကမ်းကို ၂၀၁၅-၁၆ ပညာသင်နှစ်မှ စတင်၍ အထူးစည်းကမ်းအဖြစ် ထုတ်ပြန်လိုက်ကြောင်း ဇွန်လ ၃ ရက်၌ အင်တာနက်တွင် ပျံ့နှံ့နေခဲ့ သည်။

ဖမ်းမိသမျှ လှေစီးဒုက္ခသည်များ ရခိုင်သို့ ပို့နေမှု စစ်တွေမြို့မိမြို့ဖအဖွဲ့ကန့်ကွက်မည်

ပင်လယ်ပြင်အတွင်း ဖမ်းဆီးခံခဲ့ရသည့် လှေစီးဒုက္ခ သည်များအား ရခိုင်ပြည်နယ်အ တွင်းသို့ပို့ဆောင်နေသည့် အစိုးရ ၏ လုပ်ရပ်ကို ကန့်ကွက်သည့် အနေဖြင့် စစ်တွေမြို့ မြို့မိမြို့ဖ အဖွဲ့သည် အစိုးရအဖွဲ့နှင့် ပူး ပေါင်းဆောင်ရွက်မှုများကို ရပ် တန့်ရန် ဇွန်လ ၄ ရက်၌ ဆုံးဖြတ် လိုက်သည်။
စစ်တွေမြို့မှ မြို့မိမြို့ဖအဖွဲ့ သည် အစိုးရနှင့် ဒေသခံများအ ကြား သြဇာကြီးသည့်အဖွဲ့အ စည်းတစ်ခုဖြစ်ပြီး ရခိုင်ပြည်နယ် အစိုးရအဖွဲ့နှင့် လုပ်ငန်းအချို့ တွင် ပူးပေါင်းဆောင်ရွက်နေသည့် အဖွဲ့လည်းဖြစ်သည်။
စစ်တွေ မြို့မိမြို့ဖအဖွဲ့ သည် အစိုးရနှင့်ပူးပေါင်းဆောင် ရွက်နေသည့် မြို့နယ်အထောက် အကူပြုကော်မတီ၊ စည်ပင်သာ ယာကော်မတီ၊ နိုင်ငံသားစိစစ် ရေးကော်မတီနှင့် ဘင်္ဂါလီ၊ ၀ှိုက် ကတ်၊ လှေစီးဒုက္ခသည်များအား စိစစ်နေသည့် ကိစ္စများတွင် ပူး ပေါင်းဆောင်ရွက်မှုများ ပြုလုပ် တော့မည်မဟုတ်ကြောင်းစစ်တွေ မြို့မိမြို့ဖအဖွဲ့မှ ဦးသန်း ထွန်းက ပြောသည်။
ပြီးခဲ့သည့် မေလ တတိယ နှင့် စတုတ္ထပတ်အတွင်း မြန်မာ့ ရေပြင်တွင်တွေ့ရှိခဲ့သည့် လှေ စီးဒုက္ခသည် ၉၀၀ ကျော် ရခိုင် ပြည်နယ်သို့ ပို့ဆောင်နေသည့် အစိုးရ၏ အစီအစဉ်ကို မကျေနပ် ကြောင်း ပြသသည့်အနေဖြင့် ယင်းကဲ့သို့ ဆုံးဖြတ်ရခြင်းဖြစ် ကြောင်း စစ်တွေမြို့ မြို့မိမြို့ဖ အဖွဲ့မှ ဦးသန်းထွန်းက ပြော ကြားသည်။

လူသားချင်းစာနာထောက်ထားမှုဖြင့် ကယ်ဆယ်ခဲ့သော လှေစီးသွားလာ သူများ အား အမြန်ပြန်လည်ပို့ဆောင်နိုင်ရန် ဆောင်ရွက်လျက်ရှိ

မြန်မာ့တပ်မတော်(ရေ)က ပင်လယ်ပြင်လုံခြုံရေးတာဝန်ထမ်းဆောင်စဉ် မေ ၂၉ ရက်က ဧရာဝတီတိုင်းဒေသကြီး ဖျာပုံမြို့အရှေ့တောင်ဘက် ပင်လယ်ပြင်၌ လူသားချင်းစာနာထောက်ထားသည့် အနေဖြင့် ကယ်တင်ခဲ့သော လှေစီး သွားလာသူ ၇၃၃ ဦးကို ၄င်းတို့မူလလာရောက် သည့်နေရာသို့ ချောမွေ့မြန်ဆန်စွာ ပို့ဆောင်သည့်လုပ်ငန်းများဆောင် ရွက်နိုင်ရန် လှေစီးသွားလာသူများ၏အခြေအနေနှင့်စပ်လျဉ်း၍ ဖြစ်ရပ်မှန်ပေါ်ပေါက်ရေး စိစစ်ရေးအဖွဲ့ခေါင်းဆောင် လူဝင်မှုကြီးကြပ်ရေးနှင့် ပြည်သူ့ အင်အား ဝန်ကြီးဌာန ‘ဒုတိယဝန်ကြီး ဦးဝင်းမြင့်၊ ရခိုင်ပြည်နယ် လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီးထိန်လင်းနှင့် စိစစ်ရေးအဖွဲ့ဝင် များ သည် လှေစီးသွား လာသူများကို ယာယီရွှေ့ပြောင်းထား ရှိသည့် ရခိုင်ပြည်နယ် မောင်တောခရိုင် တောင်ပြို(လက်ဝဲ)မြို့အနီးရှိ မှတ်တိုင်(၃၇) စခန်းသို့ ယမန်နေ့ မွန်းလွဲ ၂ နာရီခွဲက သွားရောက်ခဲ့ကြသည်။